Heung-Min Son anahisi uvumi unaoendelea kuhusu Harry Kane sio rahisi kwa mchezaji mwenzake wa Tottenham lakini amesifu ustadi wa nahodha wa klabu hiyo.
Son na Kane wametua Singapore kwa awamu ya mwisho ya ziara yao ya awali ya msimu wa Asia-Pacific baada ya siku chache zenye matukio mengi mjini Bangkok.
Hali ya hewa ya Monsoon ilisababisha mechi ya kirafiki kati ya Tottenham na Leicester kufutiliwa mbali siku ya Jumapili na siku moja mapema mwandishi wa habari kutoka jarida la Ujerumani BILD alizindua jezi ya Bayern Munich yenye ‘Kane 9’ mgongoni kwa kocha mkuu mpya wa Spurs Ange Postecoglou katika mkutano wake na waandishi wa habari kabla ya mechi.
Postecoglou hakufurahishwa sana lakini kelele za Kane hazionyeshi dalili ya kuondoka, huku Bayern ikitarajiwa kurejea na ofa ya tatu baadaye mwezi huu na ripoti za usiku kucha zinasema Manchester United inaweza kuingia tena kwenye kinyang’anyiro cha kuwania saini ya mshambuliaji huyo.
Kane, ambaye anatekeleza majukumu ya unahodha wakati wa ziara ya Tottenham baada ya Hugo Lloris kuachwa Uingereza kukamilisha uhamisho wa kuihama klabu hiyo, amepongezwa na mshirika wake wa muda mrefu ambaye amekuwa akigonga mwamba.
Son amesema kuwa, “Harry amekuwa mzuri kwangu. Daima ni mtaalamu, anafanya kazi kwa bidii. Hajawahi kuonyesha mawazo yoyote juu yake mwenyewe. Kuna habari nyingi sana pia si rahisi kwake, lakini ni nahodha kwa sasa na anafanya kazi na timu.”
Yeye ni mmoja wa washambuliaji bora zaidi duniani, amekuwa kwa miaka mitano, sita, saba mfululizo. Uamuzi utakuwa kati ya klabu na Harry na tunapaswa kuuheshimu. Siwezi kusema chochote kuhusu uamuzi wa mwisho kwa sababu sijui chochote. Labda Harry hajui. Inabidi tusubiri tu. Aliongeza mchezaji huyo.
Kane ameingia miezi 12 ya mwisho ya mkataba wake Tottenham na Bayern wameongeza juhudi zao za kumsajili mshambuliaji huyo mwezi huu, huku rais wao wa heshima Uli Hoeness akidai wiki iliyopita kuwa makubaliano ya kibinafsi yalikubaliwa kati ya klabu hiyo ya Ujerumani na nahodha huyo wa Uingereza.
Bayern wanaripotiwa kutuma ofa mbili ambazo hazikufanikiwa kwa Kane hadi sasa msimu huu wa joto, lakini Spurs bado wamedhamiria kumshikilia mfungaji bora wa muda wote.
Mkataba mpya umetolewa kwa Kane na Tottenham, ambalo ni ongezeko kubwa katika mkataba wake wa sasa wa pauni 200,000 kwa wiki, lakini hajafanya uamuzi wowote kuhusu mkataba huo mpya huku uvumi juu ya mustakabali wake ukiendelea.
Spurs wanatarajiwa kucheza na timu ya ndani ya Lion City Sailors huko Singapore siku ya kesho kabla ya kurejea Uingereza.
