Serena: Top Seed Open Yapamba Moto.

Mcheza Tenesi namba moja wa zamani kwa wanawake – Serena Williams amerejea kwa kishindo kunako michuano ya Top Seed Open.

Nguli huyo mwenye tuzo 23 za Grand Slam alijikuta akipambana kurudi mchezoni baada ya kuwa amezidiwa seti moja na mpinzani wake Bernarda Pera.

Katika mchezo huo, Bernarda alikuwa anaongoza kwa seti 4-6 0-4 na 4-4 katika seti ya pili ya michuano ya Top Seed Open inayochezwa jijini Kentucky – Marekani. Ndani ya saa 2 na dakika 15, Serena alipindua matokeo na kushinda kwa seti 4-4 6-4 6-1.

Serena amenukuliwa akisema ” Nilijua kama sitokata tamaa, nitacheza vizuri zaidi.”

Baada ya ushindi huu, Serena atakutana uso kwa uso na ndugu yake Venus Williams ambaye pia amewahi kuwa mchezaji namba moja duniani. Venus alimchakaza Victoria Azarenka kwa seti 6-3 6-2.

Mchezo wa mwisho katika ngazi ya mashindano ya Serena ulikuwa ni katika michuano ya Fed Cup Tie ambapo alichuana na Latvia mwezi Februari. Mchezo huo ulikuwa wa aina yake mapema kabisa baada ya Serena kukatisha mchezo wa kwanza na kugawa pointi kwa mpinzani wake katika mchezo wa pili.

Katika mchezo wa tisa, mambo yalibadilika na kuanza kumnyookea Serena ambaye aliibuka kidedea mwishoni mwa mchezo huo.

Serena anapanga kushiriki michuano yote ya US Open inayochezwa mwezi huu, pamoja na French Open iliyopangwa kuchezwa mwezi Septemba baada ya Mlipuko wa Virusi vya Corona.

Hii ni michuano ya kwanza kwa wanawake tangu kifo cha George Floyd kilichozua gumzo na maandamano katika sehemu mbalimbali za ulimwengu kupinga ubaguzi wa rangi. Michuano hii inaendelea kusimamia msemo wa “Black Lives Matter” katika michezo yote.

Umekuwa mteja muaminifu wa meridianbet? Basi fahamu kuwa kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

Soma zaidi