Sandro Tonali wa Newcastle na Nicolo Zaniolo wa Aston Villa wamerudishwa nyumbani kutoka kwa kikosi cha Italia huku kukiwa na uchunguzi kutoka kwa waendesha mashtaka wa Italia.
Wawili hao wa wanaocheza EPL walikuwa wamepangwa kushiriki katika mechi zijazo za Italia za kufuzu kwa Ubingwa wa Ulaya dhidi ya Malta na Uingereza lakini Shirikisho la Italia sasa limethibitisha kuachiliwa kwao kutoka kwenye kambi ya mazoezi.
Shirika la habari la Italia ANSA limeripoti kwamba Tonali na Zaniolo wamehojiwa kuhusiana na uchunguzi haramu wa kamari.
Taarifa kutoka Shirikisho la Italia (FIGC) ilisema: “Shirikisho linatangaza kwamba mchana wa leo Ofisi ya Mwendesha Mashtaka wa Umma wa Turin imefanya uchunguzi kuhusu wachezaji, Sandro Tonali na Nicolo Zaniolo, ambao kwa sasa wanafanya mazoezi na timu ya taifa katika Kituo cha Mafunzo cha Shirikisho cha Coverciano.”
Bila kujali jinsi matukio yalivyokuwa, kwa kuzingatia kwamba wachezaji hao wawili hawako katika hali inayotakiwa kukabili mechi zilizopangwa kufanyika siku chache zijazo, Shirikisho limeamua, pia kwa ulinzi wao, kuwaruhusu kurejea katika klabu zao. Taarifa hiyo ilisema.
Waendesha mashtaka wa FIGC mapema wiki hii walitangaza uchunguzi dhidi ya kiungo wa Juventus mwenye umri wa miaka 22 Nicolo Fagioli kuhusu madai ya ukiukaji wa kamari.
Nicolo Zaniolo alijiunga na Aston Villa kwa mkopo kutoka Galatasaray mwezi Agosti
Tonali mwenye miaka 23, na Zaniolo mwenye miaka 24, wote wamerejea katika vilabu vyao kabla ya Azzurri kumenyana na Malta mjini Bari siku ya kesho.
Nyota wa zamani wa AC Milan Tonali alijiunga na Newcastle mwezi Julai kwa kitita cha pauni milioni 55 na tangu wakati huo amecheza mechi saba za Ligi kuu.
Vijana hao wa Luciano Spalletti wako pointi sita nyuma ya Uingereza katika Kundi C, sawa na Ukraine na Macedonia Kaskazini zenye pointi saba zimeshindwa kufuzu kwa Kombe la Dunia mwaka jana nchini Qatar.
