“Uamuzi wa Mwisho ni 2021 Kuchezwa Olympics!” – Thomas Bach

Kiongozi mkuu wa michuano ya Olympics, Thomas Bach amesema kuwa mwaka 2021 ni uamuzi wao wa mwisho juu ya ni lini michuano hiyo itafanyika tena ikiwa ni baada ya michuano hiyo iliyopangwa kufanyikia Tokyo kusogezwa mbele.

Ameyasema hayo siku ya Alhamisi akikazia suala la kwamba haiwezekani michuano ile ikasogezwa mbele zaidi ya ilivyo sasa.

Wakati Bach akizungumza na BBC aliwaambia kuwa amekubaliana na maoni ya Japan kuwa gemu hizo zitatakiwa kusimama kwa muda kutokana na janga la Corona na itatakiwa kuendelea endapo ugonjwa usipopatiwa ufumbuzi hadi kufikia mwakani.

Mwezi Machi, michuano ya Tokyo 2020 Olympics iliahirishwa mpaka ifikapo Julai 23, 2021 wakati maambukizi ya ugonjwa wa Corona yakiwa yamepamba moto kwa sasa duniani na kupelekea michezo mingi kusimama kabisa.

“Ni sahihi kwamba ninaelewa hali ya Japan kwa sasa lakini huwezi kuacha hali hii ikaendelea milele,” rais huyo wa International Olympic Committee alisema.

“Huwezi kubadili michezo yote kwa mwaka mzima duniani kote kwa mashindano yote makubwa.

“Hauwezi kuwaweka katika sintofahamu wachezaji wote wanaohusika, hauwezi kuruhusu hali hii ikaendelea milele hasa katika michuano ya Olympic.”

Michuano ya Olympics haijawahi kufutwa ukiachana na nyakati zile za kutokea kwa vita za kidunia lakini Wajapan na viongozi wao wamesema kwamba kwa sasa hawana lengo la kuendelea kuahirisha zaidi michezo hiyo zaidi ya hapo mwakani.