Uholanzi Waanza na Ushindi Euro2024

Timu ya taifa ya Uholanzi imefanikiwa kuanza michuano ya Euro mwaka 2024 kwa matokeo ya ushindi baada ya kuifunga timu ya taifa ya Poland kwa jumla ya mabao mawili kwa moja.

Uholanzi ambao walianza kutanguliwa katika mchezo huo baada ya timu ya taifa ya Poland kupata bao la mapema dakika ya 16 kupitia kwa mshambuliaji wao Adam Buksa, Lakini kabla ya mapumziko vijana wa kocha Ronald Koeman walisawazisha bao dakika ya 29 kupitia kwa Coady Gapko na matokeo kwenda mapumziko kwa sare ya bao moja kwa moja.Mchezo huu ulionekana kua na kasi na timu zote zikiwa zinashambulia kwa zamu ikiwa ni wazi kila timu ikionekana inahitaji matokeo ya ushindi, Kipindi cha pili kiliendelea kwa kasi kama ambavyo kipindi cha kwanza ambapo kipindi cha pili mwanzoni Poland wakionekana kuhitaji goli la uongozi kwa kiwnago kikubwa.

Kipindi cha pili kilendelea kua cha mashambulizi ya kupokezana baina ya timu zote mbili mpaka ilipofika dakika ya 83 ambapo Wout Weghorst aliyeingia dakika 81 ilimchukua dakika mbili tu kuipatia bao timu ya taifa ya Uholanzi na kuwapa uongozi ambao ulidumu mpaka mwisho wa mchezo na kupata alama tatu muhimu.Mpaka sasa timu ya taifa ya Uholanzi ipo kileleni mwa msimamo wa kundi D wakiwa na alama zao tatu kibindoni ambapo watasubiri mchezo wa pili wa kundi hilo kesho kati ya timu ya taifa ya Ufaransa dhidi ya Austria ili kuangalia kama watashushwa au watabaki kileleni ila mpaka sasa wao ndio vinara wa kundi hilo.