Ukimsema Ajibu, Mtazame Mkude

Wengi tumekuwa tukimtupia lawama Ibrahimu Ajibu kushindwa kutambua thamani ya kipaji chake angalau aionje pepo ya soka la kulipwa huko ng’ambo.

Ni mwendawazimu tu atakidharau kipaji maridhawa alichonacho Ajibu ila akisema neno katika utunzaji wake , nia ya kufika mbali basi hapo anaweza kuwa ameianza safari ya kueleweka na wadau wote wa soka nchini.

Wakati jana nautazama mpira wa watani wa jadi hususani idara ya kiungo ya Simba SC iliyokuwa chini ya mkongwe Jonasi Mkude , nilitafakari mambo mengi sana . Moja ya tafakuri yangu ilikuwa kwa wale ambao wanaomnyooshea kidole Ajibu , wapo wapi au tangu huyu mwamba anaibuka na sasa anaianza safari yake ya magharibi ya soka hawajamuona?

Jonas Mkude naweza sema ni mmoja wa viungo hatari nchi hii ambao wanaijua vyema kazi ya kiungo mkabaji na variations zake zote. Ni miaka takribani 10 thamani ya kiungo huyu haijawahi kushuka wala kutetereka nchi hii.

Unaweza kukaa na kujiuliza nini kimempata classic player kama huyu kushindwa kuvuka mpaka wa nchi yetu kwenda ng’ambo kuongeza thamani ya soka lake .

Katika vikosi vyote vya jana kwa Simba na Yanga , Mkude ndio alikuwa mchezaji pekee ambaye amecheza mechi nyingi za watani wa jadi, hivyo alikuwa na uzoefu wa kutosha kabla ya Yondani kuingia kipindi cha pili ambaye ndio mchezaji anayeshikiria rekodi kwa sasa Tanzania kucheza mechi nyingi zaidi za watani wa jadi .

Mkude kumalizia soka lake nchini ni mwendelezo wa soka letu kwa ujumla kushindwa kuwatoa nje wachezaji wenye vipaji vizuri kwenda kuongeza thamani ya vipaji vyao.

Ni wakati sasa kwa wachezaji chipukizi pamoja na viongozi wao kuinua macho yao ili waweze kutazama mbali zaidi kuliko kuridhika na malisho haya ya nyumbani. Wengi tulimshuhudia Feisal jana akiwa bora katikati ya kikosi kibovu cha Yanga kilichokubali kichapo cha 4-1 kutoka kwa Simba.

Feisal ni hazina kwa taifa endapo katika umri huu mdogo atapata njia sahihi ya kwenda mbali kisoka . Licha ya kufika EPL , Samatta amekaririwa akisema anatamani angefika katika ligi hiyo kubwa duniani akiwa na umri mdogo . Hii inaonesha ni vyema kuyaandaa mafanikio yako angali bado una nguvu na damu inachemka.

Kuna ofa kibao sana unzaofaidi ikiwa unabashiri na Meridianbet. Jiunge sasa kufurahia ofa zetu.

Bonyeza HAPA Kujiunga.