Unakumbuka Ajax Walivyomuaga Dejong?

Soka ni tamu sana na wakati mwingine linakuwa na mambo mengi!

Ni zaidi ya kuingia na kukimbizana uwanhjani, mambo mengi ya kufurahisha na yanakuwa na sura ya pekee kwenye soka. Frenkie de Jong aliwafurahisha sana wadau wa Ajax kipindi alipokuwepo klabuni hapo mpaka wakati alipokuwa anaondoka.

Wadau na wapenzi wa Ajax walitamani staa huyo angesalia, na waliheshimu maamuzi ya kuondoka. Aliandaliwa namna ya pekee ya kuagwa, jamaa waliamua kukodi basi kwenda kumshukuru Dejong.

Frenkie De Jong alikamilisha uhamisho wa kutoka klabuni hapo kwenda Barcelona mwezi Januari 2019 kwa dau la paundi milioni 75. Kwa kutambua mchango wake mkubwa klabuni Ajax, staa huyu atakumbukwa klabuni hapo.

Basi lililokodiwa lilipambwa kwa picha ya mwanasoka huyu kinda na kuandikwa ujumbe kwa Barcelona.

Ujumbe uliotumwa kwa Barcelona ulisomeka kwa kingereza “Barca, enjoy the future like we do” ukimaanisha kuwa klabu ya Barcelona nayo ifurahie kesho yake ikiwa na staa huyu kama wao.

Basi hilo lilipewa ratiba ya kuzunguka ndani ya

Hispania kumtakia heri kinda huyu aliyecheza jumla ya gemu 89 za Ajax baada ya kujiunga na klabu hiyo mwaka 2015.

Kuaga kitu unachokipenda ni kazi sana, lakini si kwa ubaya, jamaa alijituma na kufanya kazi nzuri waliamua kumsindikiza kwa namna yake.