Guardiola Atarejea Barcelona?

Klabu ya Barcelona inamtaka Guardiola kurejea klabuni hapo! Mkataba wa sasa wa Guardiola na klabu ya Manchester City unaisha mwezi Juni 2021.

Guardiola amekuwa akihusishwa na kurejea klabuni Barcelona, na sasa Joan Laporta ambaye anatarajia kuwania nafasi ya raisi wa klabu ameweka wazi nia yake ya kutaka kumrejesha Pep Guardiola kutoka ligi ya Uingereza!

Laporta alishawahi kuwa raisi wa Barcelona mwaka 2003 hadi mwaka 2010, kipindi ambacho Guardiola alipandishwa hadhi kutoka timu ya vijana mpaka kufundisha timu ya watu wazima, mwaka 2008.

Laporta ametangaza nia ya kuwania uraisi wa klabu hiyo, na katika kitu anachokifikiria kuwafanyIa barcelona ni kumrejesha meneja amabaye amepata mafanikio makubwa katika soka kwa sasa, Guardiola.

Josep Bartomeu, raisi wa sasa wa Barcelona anaachia kijiti msimu ujao wa joto, na mchakato wa kumpata mrithi wake unaendelea.

Kwa upande wa Guardiola, ambaye mkataba wake unaisha Juni 2021, hatma yake imeendelea kuingia ukungu baada ya Man Cityn kupewa adhabu kwa kuvunja sheria ya UEFA ya manunuzi (kesi ambayo wameikatia rufaa)

Baada ya kuteuliwa na Laporta pale Barcelona, Guardiola alipata mafanikio kadhaa, akifanikiwa kushinda mataji matatu ya ligi na mawili ya ligi ya Mabingwa 2009 na 2011.

Katika kutangaza nia yake ya uraisi, alizungumzia mambo kadhaa kuhusu Guardiola

“Nitafurahi sana kurejea kwa Pep Guardiola, lakini yupo City sasa na ni uamuzi ambao atatakiwa kuufanya. Amekuwa ni mfano wa kila mtu anayehusika na Barcelona nafikiri mashabiki wengi watafurahia sana kama akirejea kuifundisha klabu tena.”

Barcelona wakiwa Chini ya Guardiola

3 – La Liga (2008-09, 2009-10, 2010-11)

2 – Ligi ya Mabingwa (2008-09, 2010-11)

2 – Copa del Rey (2008-09, 2011-12)

2 – Kombe la Dunia la Vilabu (2009, 2011)

2 – UEFA Super Cup (2009, 2011)

3 – Spanish Super Cup (2009, 2010, 2011)