Pedro Rodriguez Afanyiwa Upasuaji

Winga wa Chelsea Pedro Rodriguez amefanyiwa upasuaji wa bega wakati akitajwa kuwa kwenye maandalizi ya kuhamia Roma. Nyota huyu aliteguka bega kwenye mechi ya Fainali ya FA waliyopoteza dhidi ya Arsenal.

Kupitia ukurasa wake wa Instagram, Pedro alibainisha kuwa upasuaji wake ulifanikiwa.

“Upasuaji umeenda vizuri, nitarejea hivi karibuni. Ilikuwa vibaya sana kutokushinda Kombe la FA. Nashukuru nyote kwa sapoti yenu.” -Pedro alichapisha kwenye ukurasa wake.

Wakati mkatababa wake na Chelsea ukiwa unaelekea ukingoni, staa huyu anatajwa kuwa yupo tayari kujiunga na Roma kwa mkataba wa miaka miwili. Taarifa zingine zinasema kuwa mechi ya fainali dhidi ya Arsenal ambayo walipoteza kwa kichapo cha bao 2-1 ilikuwa ndiyo mechi ya mwisho ya staa huyu pale Chelsea.

Wakati kikosi cha Chelsea kikiwa katika maandalizi ya gemu dhidi ya Bayern Munich, Lampard atalazimika kuingia dimbani bila staa huyu pamoja pia na Pulisic na Cesar Azpilicueta wote wakiwa wanauguza majeraha.

Tiketi yako ya kwanza kamwe haiwezi kupoteza ukiwa na Meridianbet. Unarudishiwa 100% ya Tiketi yako ya kwanza.

Ingia mchezoni