Chelsea: Mkataba Wa Willian Bado Hapaeleweki

Bado hali ni tete kwa winga Willian kufikia makubaliano ya kuendelea kusalia katika kikosi cha Frank Lampard. Suala la mkataba mpya wa Willian bado ni tatizo katika kufanikisha zoezi hili.

Taarifa mbalimbali zinasema Willian anahitaji mkataba wa miaka mitatu ili asalie Chelsea vinginevyo itakuwa ngumu kwake kusalia. Chelsea wamempatia ofa ya mkataba wa miaka miwili pekee na hivyo utofauti wa mwaka mmoja ndio changamoto.

Willian ambaye ameweka wazi adhima yake ya kuendelea kubaki jijini England, bado hajaweka wazi kama atakubaliana na mkataba aliopewa na Chelsea au ataamua kujiunga na timu zingine zilizopo England.

Totenham na Arsenal ni vilabu vilivyopo England na vyote vinahusishwa na kuitaka saini ya Willian ambaye amekuwa na wakati mzuri katika kikosi cha Chelsea kwa takribani miaka 7 sasa.

Wakala wa Willian – Kia Joorabchian amenukuliwa akisema ” Sidhani kama [Willian] amebadilika kwa namna yeyote. Amekuwa mtulivu muda wote. Tulipokua ofa kubwa kutoka Marekani – MLS ambayo ilimtaka ajiunge nao Julai Mosi – lakini amekuwa akihitaji kumaliza msimu na Chelsea na kisha atafanya maamuzi siku moja baada ya mchezo wao wa mwisho”

“Ana ofa mbili kubwa kutoka Ligi Kuu Uingereza – EPL, MLS na mbili za Ulaya . Ataamua baada ya mchezo wa mwisho”

Chelsea wanaonekana kutosumbuka katika hili kwani wamefanya mabadiliko katika sera yao ya mikataba kwa wachezaji wenye umri wa zaidi ya miaka 30. Mwanzoni walikuwa wanaongeza mwaka mmoja na sasa wanaongeza miaka miwili, hawaonekani wakijiongeza zaidi kufikia miaka mitatu kwa wachezaji wenye umri huo – [Willian anamiaka 31].

Lampard alinukuliwa akisema ” naelewa hali ilivyo kwa upande wa klabu. Nina mahusiano mazuri na Willian lakini sijui maamuzi ni yapi. Kama yatatokea wiki ijayo muda wowote kama anavyosema [Willian], basi ni sawa kwa upande wangu vyovyote vile.”

“Nina furaha sana na Willian, amekuwa na mchango mkubwa kwangu na timu kwa ujumla. Utendaji kazi wake na morali kwenye timu ni kitu kikubwa kwangu na timu kwa msimu huu”

“Ni maamuzi yake na nina yaheshimu. Kama akiamua kuondoka , basi Chelsea pia itapaswa kuendelea kutafuta mshambuliaji mwingine”

Chelsea wameshasajili washambuliaji wawili ambao wanaweza kucheza katika nafasi ya Willian. Tayari wamemsajili Timo Werner na Hakim Ziyech, sasa hivi wanapambana kuitafuta saini ya kinda Kai Havertz.

Chelsea watakutana na Bayern Munich katika mechi yao ya marudiano kwenye Michuano ya Ulaya – UEFA wiki hii. Katika mchezo wa kwanza, Bayern alishinda 3-0. Bado Lampard anawakati mgumu hasa wakati huu ambao Pulisic, Azpilicueta, Pedro na Billy Gilmour ni majeruhi. Wakati Jorginho na Marcos Alonso wanatumikia adhabu.

Tiketi yako ya kwanza kamwe haiwezi kupoteza ukiwa na Meridianbet. Unarudishiwa 100% ya Tiketi yako ya kwanza.

Ingia mchezoni