Wakati Namfurahia Di Maria, Namkumbuka Julian Neglesman

Leipzig wanaondoka, ila sidhani kama mioyo yao imeinama kwa masononeko. Wanafika nusu fainali ya UEFA miaka 11 tu baada ya kuanzishwa. Tena wanatoka wakiwa wamepambana katika ubora wa hali ya juu. Timu zingine zimetumia nusu karne kupata nafasi ya kushiriki.

Katika siku ambayo Neymar aliikumbuka miguu yake aliyoiacha Barcelona, katika siku ambayo Mbappe alikuwa katika ubora wa hali ya juu, siku hiyohiyo Di Maria akaupata ubora aliokuwa nao Lisbon katika fainali ya UEFA, ungehitaji muujiza kuwazuia PSG wasikufunge chini ya mabao matatu. Kwangu mimi, mechi iliamuliwa na ubora wa wachezaji zaidi ya mbinu za waalimu.

Leipzig walifanya makosa mengi kwenye eneo lao la ulinzi. Pasi zao ziliishia miguuni kwa viungo au washambuliaji wa PSG mara kadhaa. Hii ilitokana na namna PSG walivokaba pindi tu walivopoteza mpira. Bahati njema kwao PSG hawakuwaadhibu kwa kila kosa walilofanya.

Julian Neglesman, aliufahamu ubora wa washambuliaji wa PSG. Akawataka wachezaji wake wawasubiri PSG katika eneo lao badala ya kuwafanyia ‘pressing’ katika kipindi cha kwanza. Sikushangaa kuona Nafasi walizozitengeneza PSG zilitokana na mipira mirefu licha ya kuwa na umiliki mkubwa wa mpira.

Plan yake ilikuwa sahihi sana, makosa tu ni hawakujua namna ya kuondoka pindi walipoupata mpira. Mabao mawili ya PSG yametokana na mabeki wa Leipzig kushindwa kuondoa hatari, wakitaka kucheza pasi na viungo wao.

Anaimbwa Neymar, anaimbwa Mbappe, lakini yupo mtu nyuma ya majina yao. Huyo mtu ni Angel Di Maria. Mikimbio yake na maamuzi yake, yanawarahisishia kazi akina Neymar. Assist na bao akiwa katika kiwango bora, kwa jana yeye ndiye man match.

Hakuna mtu aliyefurahia kuitazama hii mechi kama kocha wa Ufaransa, Didier Deschamps. Wakati akiliwaza fumbo gumu analopewa na Raphael Varane ghafla anakutana na jawabu rahisi kutoka kwa Kimpembe. Wakati anateswa na mtihani mgumu wa kiwango kibovu cha Samuel Umtiti, ghafla analetewa majibu na kijana mdogo Dayot Upamecano. Huo ukuta wa Ufaransa. Watu watakoma!

Drops and Wins!

Umeijua hii? Ni promosheni kabambe ya ushindi kwenye Casino ya mtandaoni ya Meridianbet! Unaweza kushinda hadi Euro 2,000,000 leo.

Soma Zaidi