Klopp: Messi Hawezi Kusajiliwa Liverpool

Wakati taarifa za Messi kutimka Barcelona zikiendelea kuteka vichwa vya habari duniani. Kocha wa Liverpool – Jurgen Klopp anaona ni uhalisia kwamba mchezaji huyo hawezi kusajiliwa Anfield katika dirisha hili.

Mapema wiki hii ilitoka taarifa iliyozua taharuki kuhusu mshindi mara 6 wa tuzo ya Ballon D’Or- Lionel Messi kutaka kuondoka Barcelona kwa kile kinachosemekana ni timu hiyo kukosa mipango endelevu yenye kuongeza ushindani katika anga la soka.

Klopp: HAIWEZEKANI Messi Kusajiliwa Liverpool.

Akiwa katika mahojiano na waandishi wa habari kuelekea mchezo wa Ngao ya Jamii, kocha wa Liverpool  amenukuliwa akisema, ” Ni nani asiyetaka kuwa na Messi kwenye timu yake? Lakini haiwezekani, gharama yake haiendani na sisi. Hatupaswi hata kuanza kufikiria, kimsingi hatuna nafasi hiyo. Lakini ki-ukweli ni mchezaji mzuri.”

Baada ya kuulizwa atajisikiaje akiona Messi anakwenda kujiunga na Manchester City ambao ni wapinzani wao katika kutetea taji lao la ubingwa. Klopp amejibu, ” Itawasaidia sana City. Itakuwa ni ngumu sana kuwafunga, ilishakuwa ngumu kuwafunga hata hivyo.

“Kwa Premier League itakuwa ni jambo kubwa kwa 100%. Kuwa na mchezaji bora duniani [nadhani] kwenye ligi itasaidia. Sidhani kama Premier League inahitaji msaada lakini itasaidia.

“Lakini pia itavutia kumuona Messi ambaye hajawahi kucheza ligi nyingine tofauti na La Liga. Mpira wa hapa ni tofauti sana, nitafurahi kuliona hilo japo sidhani kama nitaliona.

“Nadhani falsafa ya klabu hii inajulikana. Tutaangalia ni kiasi gani tunaweza na tunataka kukitumia. Kwa sasa sina cha kusema kuhusu hilo” Jurgen alijibu baada ya kuulizwa kuhusu usajili kwenye timu yake.

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa