Pauni 15m za Tottenham Kumng'oa Doherty Wolves

Klabu za Tottenham Hotspurs na Wolves tayari zimekubaliana juu ya suala la ada ya uhamisho wa mchezaji Matt Doherty.

Tottenham watalazimika kutoa pauni 15m ili kupata saini ya nyota huyo, na ripoti zinaarifu kuwa ni suala la muda tu kabla ya hilo kutimia kwani Tottenham wamekubaliana na dili hilo.

Jose Mourinho amevutiwa na kiwango cha beki huyo kwa misimu ya hivi karibuni hivyo basi yupo tayari kumtumia kama mbadala wa Serge Aurier katika safu ya ulinzi ya vigogo hao wa London.

Nyota huyo mwenye umri wa miaka 28 hivi sasa, aliyeanza safari yake ya mafanikio katika soka ndani ya klabu ya Bohemians na kuichezea kwa mafanikio makubwa katika msimu wa 2019/20 alifanikiwa kucheza mechi 50 na kusaidia kuimarisha safu ya ulinzi huku akifunga jumla magoli 7!

Klabu ya Wolves ipo mbioni kufanya marekebisho makubwa katika kikosi chake cha kwanza na kumuuza Doherty ili wapate pesa za kutosha kusajili wachezaji wengine ni sehemu ya mpango huo. Wolves, waliomaliza nafasi ya saba katika misimu miwili mfululizo ya Ligi Kuu ya Uingereza wanataka kuona wanafika mbali zaidi msimu ujao wa 2020/21.

Klabu hiyo pia ipo katika mazungumzo na Arsenal kuona kama kutakua na uwezekano wa kumpata Ainsley Maitland-Niles ikiwa dili la Doherty kwenda Tottenham litatimia.

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa