Tetesi za Soka Barani Ulaya.

Tetesi zinasema Baba yake Lionel Messi ameiambia Paris St-Germain kwamba mshambuliaji huyo wa Barcelona na Argentina, 33, anataka kujiunga na Manchester City.

Messi alimpigia simu kocha wa Manchester City Pep Guardiola Jumanne iliyopita, kabla ya kuiarifu Barcelona kwamba anataka kuondoka klabu hiyo na kumwambia kuwa ”Nataka kushinda tuzo mbili za Ballon d’Or, na naweza tu kufanikiwa kutimiza hilo nikiwa na wewe”.

Rais wa Barcelona Josep Maria Bartomeu amekataa kukutana na Messi kujadiliana kima chake na anashikilia kifungu cha kuwezesha uhamisho wake cha pauni milioni 624.

Chelsea imeonesha nia ya kutaka kumsajili mlinda lando wa Italia Gianluigi Donnarumma, 21, ambaye anasemekana thamani yake ni pauni milioni 50 lakini ameingia mwaka wa mwisho wa mkataba wake na AC Milan.

Hatahivyo, AC Milan inafanya mazungumzo ya kumsajili tena mlinda lango wa Bournemouth Asmir Begovic baada ya kuwa na mchezaji huyo wa Bosnia, 33, kwa mkopo kuziba pengo la Donnarumma kwa kipindi cha nusu ya pili ya msimu uliopita.

Wakati huohuo, Chelsea huenda pia ikaongeza pesa zake za matumizi za msimu hadi zaidi ya pauni milioni 250 baada ya kufikiria kutoa ofa ya pauni milioni 80m kwa kiungo wa kati wa West Ham na England, Declan Rice, 21.

Jurgen Klopp aondoa uwezekano wa Lionel Messi kuelekea Liverpool lakini kocha wa Reds akubali kwamba raia huyo wa Argentina atakuwa na umuhimu mkubwa kwenye Ligi ya Epl.

Inter Milan iko katika hatua ya mwisho ya majadiliano ya pauni milioni 1.34 kumsajili beki wa kushoto wa Roma kutoka Serbia Aleksandar Kolarov, 34.

Tetesi zinasema Freiburg na mlinzi wa Ujerumani Robin Koch, 22, amefikia makubaliano binafsi na Leeds United.

Tetesi zinasema Kiungo wa kati wa Liverpool na Uholanzi Georginio Wijnaldum, 29, anawindwa na Barcelona.

Beki wa kulia wa Jamhuri ya Ireland Matt Doherty, 28, atafanyiwa vipimo vya matibabu na Tottenham Jumamosi baada ya kukubali kulipa kima cha awali cha pauni milioni 12 kwa Wolves. (Football London)

Mshambuliaji wa Senegal Sadio Mane, 28, yuko huru kuondoka Liverpool na kujiunga tena na aliyekuwa kocha wa Southampton Ronald Koeman Barcelona.

Aston Villa iko tayari kumaliza ushindani na Sheffield United na Fulham kwa kufikia makubaliano ya pauni milioni 12 ya beki wa kulia wa Nottingham Forest Matty Cash, 23.

Real Betis inamnyatia mlinda lango wa Chile Claudio Bravo, 37, ambaye sasa yuko huru baada ya kumalizika kwa mkataba wake na Manchester City mwisho wa msimu.

Kiungo wa kati wa Uhispania wa Under-21 Brahim Diaz, 21, anakaribia kujiunga na AC Milan kutoka Real Madrid.

Mshambuliaji wa Ufaransa Antoine Griezmann, 29 aliamua kuikacha Barcelona kabla ya kushawishiwa kubaki na Meneja mpya wa timu hiyo Ronald Koeman.

Mshambuliaji wa zamani wa Sweden Zlatan Ibrahimovic, 38, amekubali mkataba mpya wa mwaka mmoja kusalia AC Milan, mkataba unaoaminika kuwa na thamani ya £6m.

Mshambuliaji wa Ureno, Cristiano Ronaldo, 35, amezima tetesi kuhusu mustakbali wake kwa kusema kwamba anajiandaa kwa msimu wa tatu Juventus.

Kuwasili kwa beki wa kulia raia wa Ireland, 28 Matt Doherty katika timu ya Tottenham kutoka Wolves kunaweza kuwa tiketi ya mlinzi wa Ivory Coast, Serge Aurier, 27, kuondoka.

Tetesi zinasema Tottenham imekataa ofa ya kwanza kutoka AC Milan kwa ajili ya Serge Aurier, huku Bayer Leverkusen ikionyesha nia ya kutaka huduma ya mlinzi huyo.

Tetesi zinasema Manchester United imewasilisha ombi la kumnasa kiungo wa Brescia Sandro Tonali, 20, ambaye anatajwa kama mmoja wa makinda wanaokuja juu nchini Italia.

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa