Karibu Van de Beek, Ila kuwa Mpole Kidogo

Swali la kwanza la kujiuliza kwa Van de Beek ni anaenda kucheza nafasi gani? Jibu la swali la kwanza linaweza kuwa mwanzo wa swali la pili. Anakwenda kuchukua nafasi ya nani? Unakapokosa jibu la swali la pili, ndipo linapoibuka swali la tatu, kwanini Man United wamemsajili?

Msimu uliopita ameifungia Ajax mabao 13, akizidiwa na Hakimi Ziyech pekee. Alikuwa na wastani wa touches 7.8 kwenye box la wapinzani, ni zaidi ya mchezaji yoyote wa Man United kwa msimu uliopita. Zaidi ya yote, ni Bruno peke yake alifanikiwa kufunga, kupiga mashuti na kutoa assist zaidi yake. Ukitazama namba kama hizi, unawaza kwanini asianze katika kikosi cha United?

Unapojaribu kujijibu, linakuja swali, nani ampishe ili apate nafasi? Pogba na Bruno walitengeneza ‘muunganiko’ imara sana mwisho msimu uliopita. Ole Gunner Solksjaer hawezi kuwa kichaa kuwatenganisha tena.

Muhanga mkubwa anaweza kuwa Nemanja Matic. Donny ana wastani wa kupora mipira mingi zaidi ya viungo wote wa United. Isitoshe amewahi kucheza kama kiungo mkabaji, huenda Solksjaer anafikiria kumchezesha kama kiungo mkabaji, ili kumrahisishia majukumu Paul Pogba ya kuchezesha timu.

Pengine Ole anawaza kumtumia Doony kama mbadala wa viungo wake watatu. Ole anajua huwezi kubeba ubingwa bila kuwa na benchi imara. Liverpool walitwaa taji wakiwa na Keita na Milner nje, Guardiola alilitwaa akiwa na Mahrez nje. Ole hajasahau mateso aliyoyapata bila Pogba msimu uliopita. Anajua maana ya kikosi kipana.

Hata kama atapata nafasi katika kikosi cha kwanza, Van de Beek bado ana kazi ya kufanya. Viungo wachezeshaji wa Ajax hawajawahi kuwa na maisha mepesi ndani ya epl. Nishikie bia yangu wakati namkumbuka Davy Klaasen, nisogezee glasi wakati naitafuta picha ya Siem De Jong, kaa tuyajenge wakati naukumbuka mwanzo wa Christian Eriksen.

Donny anakuja akiwa bora ila ana kazi ya kupata nafasi katika kikosi cha United. Unahitaji muujiza kumpoteza Pogba au Bruno. Unahitaji moyo wa chuma kuchaguliwa mbele ya Matic. Bado tusisahau alipoishia Fred. Bado tusisahau alipoanzia Mctominay. Donny kazi anayo!

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa