Ibrahimovic: Ningekuwa Kijana Ningefunga Zaidi

Zlatan Ibrahimovic ameanza poa msimu wake wa Serie A wakati AC Milan wakiibuka na ushindi wa bao 2-0 dhidi Bologna.

Ibrahimovic aliziona nyavu mara mbili, kwa kichwa makini na kwa mkwaju wa penalti na kuwazawadia ushindi wa kwanza kwa Milan, huku jumla ya magoli yake kwa msimu huu mpya yakiwa yanasomeka magoli 3 kwa michuano yote.

Staa huyu nusura afunge magoli matatu, Hat-Trick. Ibra anasema kuwa angeweza kuona nyavu zaidi kama angekuwa kijana.

“Tumeshinda, na ningeweza kufunga magoli mengi, kama ningekuwa na miaka 20, ningefunga mawili zaidi. Mimi siyo mzee, nipo kama Benjamin Button, ninaanza mzee na kufa kijana”

“Tukiacha utani pembeni, timu imefanya vizuri, hatujawa katika asilimia 100 na tulifanya makosa ambayo mara nyingi tunayaepuka, lakini inatoa ishara nzuri.”

Zlatan ameongeza kuwa anapenda zaidi kuwa na majukumu, na kadri anavyokuwa na msukumo zaidi, inakuwa ni motisha kwake kufanya vizuri ili watu waachane na kuongelea umri wake. Anasema anapenda kuchukuliwa kama mchezaji mwingine mwenye miaka 20 na kutimiza majukumu yake.

Msimu uliopita, Ibrahimovic aliziona nyavu mara 10 kwenye Serie A, tangia aliporejea Milan na kuwasaidia Milan kwa nafasi yake.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa