Suarez na Sekeseke la Pasipoti ya Italia

Mshambuliaji wa Kimataifa wa Uruguay Luis Suarez ameshtumiwa na vyombo vya Uhamiaji nchini Italia kuwa aliingia kufanya mtihani wa Uraia akiwa na majibu.

Kwa mujibu Sky Italia imeripoti kuwa Suarez alikuwa katika mpango wa kupata uhamisho wa kujiunga na Juventus na ilibidi kwanza afanye mtihani wa kawaida ili kujua uwezo wake katika kutumia lugha ya Kiitaliano ili aweze kukizi kigezo cha kupewa pasipoti ya Italia.

Sasa kulingana na uchunguzi wa awali imebainika kuwa maswali yaliyokuwa katika mtihani huo tayari Suarez alikuwa ameyapita mapema na hapo ndipo alipotiliwa shaka kwani hawezi kuongea neno lolote la Kiitaliano.

Juventus tayari wamekamilisha nafasi za wachezaji wa kigeni ambao hawatoki katika mataifa ya Umoja wa Ulaya kwa msimu huu na Suarez wangeweza kumsaini tu ikiwa angepata uraia wa Italia.

Ripoti zinadai pande zote mbili zilikuwa tayari zimekamilisha makubaliano binafsi lakini dili hilo halikuweza kufanikiwa kwa sababu ya uraia.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa