Diego Costa Anakwamisha Uhamisho wa Federico Chiesa?

Juventus wanaripotiwa kuwa wanajaribu kumsajili Federico Chiesa kutoka Fiorentina, lakini kibibi kizee cha Italia hakiwezi kukamilisha mpaka wamuuze Diego Costa.

Duru zinasema kuwa Costa anaonekana hataki kuondoka klabuni hapo. Vyanzo kadhaa vya habari nchini Italia, vimebainisha kuwa uhamisho wa Federico Chiesa umesubirishwa kwanza wakati Costa akionesha kutotaka kuondoka.

Costa alikuwa anatarajiwa kwenda Manchester United, lakini mashetani wekundu hawakutaka kukubaliana na dau la €30m. Pia Wolves walikuwa wanaitaka huduma yake, lakini suala hili linaonekana kutomshawishi Costa.

Juventus wanahitaji kumuuza angalau mchezaji mmoja, ili waweze kumsajili mwingine na zoezi hili linatakiwa likamilike mapema kabla ya Oktoba 6.

Ripoti zinaweka wazi kuwa Juventus na Fiorentina tayari wameshafanya makubaliano ya uhamisho wa Chiesa kwa mkopo kwa €10-12m lakini pia kutakuwa na chaguo la kumnunua,Chiesa pia ameshakubali kuungana na Juventus.

Wakati seke seke la Costa likiendelea Juventus wanatajwa kuwa wanajaribu pia kuwauza wachezaji wengine, Mattia De Sciglio na Sami Khedira.

Beti kwa Kitochi Kushinda 300,000,000!

Unajua kuwa unaweza kushinda milioni mia tatu kwa buku tu? Ndiyo! Unaweza kushinda kwa kupiga *149*10# na kubashiri. Ingia mchezoni!

Soma Zaidi