Suarez: Siri ya Kutoa Chozi Imefichuka!!

Kama ni mdau wa soka na umefatilia dirisha la usajili lililomalizika mapema Jumatatu, utakumbuka mkasa wa Luis Suarez kutoa chozi wakati akiongea na waandishi wa habari.

Tukio lile liliteka vichwa vya habari duniani kutokana na uwezo mkubwa wa mshambuliaji huyo. Lakini  ni nini hasa kilimfanya Suarez kumwaga machozi alipokuwa akiwaaga mashabiki wa Barcelona mbele ya waandishi wa habari?

Suarez anasema sababu kubwa ni namna alivyokuwa akiishi ndani ya klabu hiyo, baada ya kuitumikia Barca kwa miaka 6, mshambuliaji huyo ilifikia hatua akasimamishwa kufanya mazoezi na wachezaji wenzake wa kikosi cha kwanza kabla hajaondoka kwenye timu hiyo, inasikitisha!

” Zilikuwa ni siku ngumu sana kwangu, nililia kwasababu ya niliyokuwa ninayapitia. Niliumizwa sana kwa namna mambo yalivyokuwa yanafanywa, kwasababu tu mtu anapaswa kukubaliana na hali pale anapokuwa amemaliza muda wake.

“Sikukubalina na ujumbe wa klabu kwamba wanatafuta suluhisho la hali yangu kwasababu kiuhalisia haikuwa hivyo.

“Sio kila mtu anajua kilichokuwa kinafanyika, lakini kitu kibaya zaidi ni kwenda mazoezi halafu unapelekwa kwenye kundi lingine kwasababu hauruhusiwi kufanya mazoezi na wachezaji wengine.

“Mke wangu alishuhudia ni kwa jinsi gani sikuwa na furaha, alihitaji kuniona nikitabasamu tena na ilipotokea fursa ya kujiunga na Atletico Madrid, sikuwa na mashaka yoyote.

“Sikushangaa kumuona Messi akiwanisapoti mbele za watu, ninafahamu vizuri. Anajua maumivu niliyokuwa ninayapitia, hisia za kufukuzwa ziliniumiza sana.

“Namna wanavyofanya kazi haikuwa sahihi na Leo [Messi] anajua ni kwa namna gani mimi na familia yangu tulivyotaabika.”

Suarez alijiunga na Barca 2014 akitokea Liverpool kwa dau la pauni milioni 74, amefunga magoli 198 na amebeba mataji kadhaa ikiwemo LaLiga, Capa Del Rey na UEFA Champions League.

Weka Pesa kwa Airtel Money!

Sasa unaweza kuweka pesa moja kwa moja kwenye akunti yako ya Meridianbet kwa kutumia mtandao wa Airtel. Usipate wasi wasi, tunaifanya kazi kuwa rahisi zaidi!

Soma Zaidi