Nenda Yondani Ila Kumbuka Usaliti ni Kawaida

“Uzuri wa sura ulikuwa aula kweli, lakini ulikuwa si ufunguo wa kila kheri, ubaya wa sura ulikuwa dhila si uongo lakini ulikuwa si zuio la maendeleo, watu waliishi duniani kwa matendo yao siyo kwa sura zao, matendo ndiyo yaliyowatukuza au yaliwadunisha”. Shabaan Robert.

Nimemnukuu Mwanafasihi Hayati Shaban Robert, fumbua fumbo utalewa nini namaanisha! Wakati nakaa kijiweni wazee wangu na Mababu walikuwa wanataja sana jina la Salum Kabunda Ninja sikuwahi kumuona, walitaja jina la George Magere Masatu sikuwahi muona.

Waliniacha zaidi na zaidi waliponitajia Franco Baressi, Martin Kewon, Jaap Staam, Tony Adams bado nilikuwa gizani sana, kila wakitaja majina haya walikuwa wanasikitika sana, walibaki kujisemea dunia hii haina mabeki tena, dunia hii ina watoto laini sana.

Utasema dunia ina beki kama Salum Kabunda alikuwa anachukua mpira mdomoni mwa straika bila faulo?? Utasema dunia ina mabeki wakati Masatu anakuja kukukaba unasikia vishindo kama tembo?? Utasema dunia ina mabeki kama Jaap Stam sehemu ya mguu ataweka kichwa??

Watawezea wapi hawa vijana leo hii straika akifinya beki yupo chini, wangeweza kuendana na kasi ya Ronaldo de Lima?? Wangeweza kumzuia vipi Diego Maradona?? Dunia yenu haina mabeki hii tena, unamkumbuka Daniel Passarella,Allesandro Costacurta au Giacinto Faccheti??

Katikati ya stori zao wakamtaja Nemanja Vidic, hapo nikakaa vyema kwakuwa nimemuona huyu, Babu mmoja alisema Ulaya Mashariki napo kuna mabeki wakatili, Vidic kaishi kwenye moshi wa mabomu na anacheza mpira pembeni ya mizoga, si ajabu yeye kuwa mkatili, ni mtu haswaa.

Katikati ya maongezi wakamtaja Kelvin Yondan, walidai kuna kijana nchini anaitwa Vidic, hapo nilitamani kuwaambia Vidic yule hayupo tena kwa Young Africans, nilitaka kuwaambia kuwa Vidic ameondoka pale, ila kwenye mazungumzo yao walianza kupasifia Mwanza kuwa wana historia ya kutoa vitasa nchini.

Kijana mmoja mfupi sana, umbo dogo sana ambaye kwa macho unaona hasumbui, kwa hisia unaona ni uchochoro ila hiki ni kisiki, mtaani wanamuita Cotton, historia yangu inaanzia mbali sana jioni moja Kelvin Yondan na jezi ya Taifa.

Itaendelea….

Weka Pesa kwa Airtel Money!

Sasa unaweza kuweka pesa moja kwa moja kwenye akunti yako ya Meridianbet kwa kutumia mtandao wa Airtel. Usipate wasi wasi, tunaifanya kazi kuwa rahisi zaidi!

Soma Zaidi