Barcelona italazimika kupunguza bili ya mshahara kwa £ 171m ikiwa Lionel Messi ataishia kupata mkataba mpya na klabu.
Mshindi huyo wa tuzo ya Ballon d’Or mara sita alijaribu na akashindwa kulazimisha kuondoka mwaka jana, lakini rais Joan Laporta anazidi kuwa na imani kuwa mkataba mpya unaweza kukubaliwa kabla ya msimu ujao.
Wakati Barcelona ikipambana na deni karibu na € 1bn (£ 859m), klabu inazingatia kupata saini ya mawakala huru kama Sergio Aguero, Memphis Depay na Eric Garcia wakati hali ya mkataba wa Messi ikipewa kipaumbele.
Kwa mujibu wa RAC1, Messi akisaini mkataba mpya atailazimisha Barcelona kupunguza pauni milioni 171 kwenyw mishahara, ambayo inaweza kusababisha kuondoka kwa wachezaji kadhaa Camp Nou.
Philippe Coutinho, Samuel Umtiti, Miralem Pjanic na Junior Firpo ni miongoni mwa wale ambao hatima yao haina uhakika huko Catalonia, wakati wawili wa Ufaransa Antoine Griezmann na Ousmane Dembele pia wamehusishwa na kuondoka katika wiki za hivi karibuni.
Messi alimaliza msimu wa 2020-21 akiwa na magoli 38 na asisti 14 c katika mechi 47, na anajivunia bao moja na asisti moja kutoka kwenye mechi tatu za Copa America akiwa na Argentina hadi sasa.
