Winga wa Real Betis, Antony, anaonekana kurejea katika kiwango chake bora taratibu baada ya kipindi kigumu alichokipitia akiwa England. Nyota huyo wa Brazil ameanza kuonyesha dalili za kurejesha kujiamini kwake, hali inayowapa matumaini mashabiki wa Real Betis.
Antony aliwahi kung’ara akiwa na Ajax, kiwango kilichowavutia Manchester United kutoa kiasi kikubwa cha Euro milioni 100 ili kumsajili. Hata hivyo, maisha yake ndani ya Old Trafford hayakuwa rahisi kama ilivyotarajiwa, akishindwa kufikia matarajio makubwa yaliyokuwa juu yake.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Katika msimu huu akiwa Real Betis, Antony tayari amefunga mabao 12 katika michezo 35 aliyocheza, idadi inayolingana na mabao aliyofunga katika kipindi chake chote akiwa Manchester United. Takwimu hizo zinaonyesha wazi mabadiliko chanya katika kiwango chake uwanjani.
Akiwa Manchester United, Antony alifunga mabao 12 katika michezo 96, huku akipitia changamoto nyingi ndani na nje ya uwanja. Mara kadhaa amekuwa akinukuliwa akieleza kuwa alipoteza mwelekeo na kujiamini katika kipindi hicho kigumu cha maisha yake ya soka.
Kuibuka upya kwa Antony sasa kunatajwa kuwa ishara ya kurejea kwa ubora wake, huku Real Betis ikinufaika na mchango wake mkubwa. Endapo ataendelea na kasi hiyo, huenda akarejea katika kiwango kilichomfanya kuwa mmoja wa wachezaji hatari zaidi barani Ulaya.
