Lampard anafuraha na Kepa Arrizabalaga

Kocha wa Chelsea – Frank Lampard amesisitiza kufurahishwa na kiwango cha kipa wake – Kepa Arrizabalaga. 

Kumekuwa na maneno mengi yanayoelekezwa kwa Kepa kufuatia kuonesha kiwango kibovu, wachambuzi wa soka katika vyombo mbalimbali vya habari wamekua wakihoji nafasi ya kipa huyo kwenye kikosi cha Chelsea.

Mwishoni mwa msimu uliopita, Kepa alijikuta akimuachia Caballero nafasi yake na yeye kusugua benchi. Ni dhahiri mashabiki na wachambuzi wa soka walitarajia Chelsea wangesajili kipa mwingine katika dirisha hili la usajili, mpaka sasa usajili huo haujafanyika.

Akizungumza baada ya mchezo wao wa kwanza wa EPL dhidi ya Brighton Albion, Lampard amesema, “Ninafurahi kuwa na Kepa, kuhusu mkwaju ule, sidhani kama angefanya chochote cha ziada kuzuia asifungwe, lakini nimeona ameongeza kiwango cha kujiamini. Kepa yupo hapa na ni kipa wetu.”

“Kama tutasajili mwingine itakuwa ni ushindani tu. Hiyo ni asili ya Chelsea, ni kwa timu nzima, tutaona itakavyokuwa.”

Akiulizwa kuhusu uwezekano wa kusajili mchezaji mwingine, Lampard amejibu, “Hapana, sio kwa sasa. Bado tuna muda mpaka kufikia mwisho mwa dirisha hili la usajili.

“Tunakikosi kipana, tunapaswa kuangalia ni namna gani tunakiongoza tukitazamia ushindani ndani ya kikosi, kwa sasa hakuna habari yeyote kuhusu hilo.”

Chelsea wameanza msimu mpya wa EPL kwa ushindi wa 3-1 dhidi ya Brighton Albion.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.