Arteta: Amtaka David Luiz Abaki Arsena!

Kocha mkuu wa timu ya Arsenal Mikel Arteta amesema angependa kumbakisha David Luiz katika kikosi cha timu hiyo licha ya kuwa kandarasi itafika tamati  mwishoni mwa msimu.

Arteta anamtaka beki huyo wa zamani wa klabu ya Chelsea David Luiz kusalia Emirates, amekuwa akiwasukuma wachezaji wenzake  imekua ikisaidia kuwaunganisha kucheza kitimu na kuzingatia  mchezo.

David Luiz mwenye umri wa miaka 33 anacheza katika safu ya ulinzi amekua na umuhimu katika kikosi cha washika mitutu hao.

“Nina furaha sana kuwa na David Luiz katika timu, nataka abaki nasi amekuwa akinihamasisha ni mtu muhimu katika timu yetu” alisema Arteta.

Mbrazaili huyo alihamia katika timu ya Arsenal akitokea kunako klabu ya Chelsea mwaka uliyopita, tayari amesha ichezea Arsenal mechi 32 kwa msimu huu.

Arsenal watakuwa na kibarua kigumu dhidi ya Manchester City siku ya Jumatano ambapo City watawakaribisha Arsenal, katika dimba la  Etihad kwa mchezo wa ligi kuu ya Uingereza.

Mpema siku hiyo hiyo ya jumatano Aston Villa wata wakaribisha Sheffield United katika uwanja wao wa nyumbani, Villa wana hitaji kupata matokeo ili kujinusuru katika mstari wa kushuka daraja

Arsenal wapo nafasi ya tisa katika msimamo wa ligi ya EPL wakiwa tayari wamecheza mechi 28 na kujikusanyia alama 40. Walipoteza kwa goli 2-3 katika mchezo wao wa kirafiki waliyocheza dhidi ya Brentford.