Balotelli Aja Juu "Njoo Mjionee..."

Mshambuliaji wa Brescia, Mario Balotelli amechoshwa na maneno maneno juu yake kama anaendelea na mazoezi au lah!

Inakumbukwa mara Bolotelli aliripotiwa kurejeshwa nyumbani alipowadia mazoezini siku kadhaa zilizopita. Balotelli alinukuliwa akiwaambia waandishi kuwa waandika habari zao kuwa hafanyi mazoezi.

Wakati kasheshe likiendelea kubamba mtaani juu ya jamaa huyu kufanya au kutofanya mazoezi, mshambuliaji huyu ameamua kuja juu na kujibu kuwa yeye anafanya mazoezi na kama vipi “Mje mjionee wenyewe nikifanya mazoezi”

Staa huyu na klabu yake bado wanaripotiwa kuwa kwenye mgogoro, wakati klabu ikitajwa kuwa haijamruhusu kufanya vipimo vya Corona na pia kutomlipa mshahara wake wa mwezi Machi.

Balottelli aliamua kuchapisha kwenye ukurasa wake wa Instagram kuhusu hali inayoendelea na maswali juu yake.

“Inatosha sasa kuniuliza kuhusu kwenda au kutokwenda mazoezini, ninaenda mazoezini, nimekuwa kule wakati wote, inatosha maswali haya tafadhali.”

“Kama mnataka kuthibitisha mje mjionee wenyewe. Nina vipindi viwili hadi Jumapili, asubuhi na jioni. Njoo hapa utaniona.” -Mario Balotelli

Chapisho lake limeambatana na picha yake akiwa anavuja jasho baada ya mazoezi kadhaa.