Bundasliga: Mashabiki Kuruhusiwa Viwanjani.

Shirikisho la mpira wa miguu  Ujerumani – Bundasliga na wanasiasa katika majimbo yote wamekubaliana kuwa na utaratibu sawa wa majaribio wa kuwarejesha mashabiki wa soka viwanjani.

Wanasiasa katika majimbo yote ya shirikisho la Ujerumani wamekubaliana kuwa na utaratibu sawa wa majaribio wa kuwarejesha mashabiki wa soka viwanjani pale ligi kuu ya soka ya Ujerumani-Bundesliga itakapoanza msimu mpya mwishoni mwa juma hili.

Kwa mujibu wa utaratibu ulioafikiwa viwanja vitaruhusu mashabiki kujaza asilimia 20 ya uwezo wake kwa kipindi cha wiki sita za mwanzo. Baada ya kipindi hicho mwishoni mwa Oktoba, mamlaka husika zitafanya tathmini ya majaribio hayo.

Mkuu wa shirikisho la soka la Ujerumani, DFB, Fritz Keller amesema amefurahishwa sana na uamuzi huo. Licha ya uamuzi huo wa nchi nzima, jimbo la kaskazini mwa Ujerumani la Schleswig-Holstein linajipanga kuruhusu mashabiki wa hadi asilimia 25 ya uwezo wa viwanja vyake.

Maamuzi hayo yanakuja katika muda muafaka ambapo Bundasliga na ligi nyingine za Ujerumani zikijiandaa kuanza kutimua vumbi kwenye viwanja visivyo na mashabiki.

Hata hivyo, bado haiko wazi iwapo vilabu vyote vya Bundasliga vitaweza kutekeleza hatua hiyo kwa wakati, wakati kipute cha Bundesliga kinapoanza Ijumaa wiki hii, ambapo mabingwa watetezi Bayern Munich wakifungua msimu kwa kukutana na Schalke 04.

Hali kuhusiana na maambukizi ya virusi vya corona, itatathminiwa tena mwishoni mwa mwezi Oktoba.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.