"Mbappe na Neymar ni Wachezaji Wazuri Zaidi Duniani.”

“Ukiacha Messi na Ronaldo, Mbappe na Neymar ni Wachezaji Wazuri Zaidi Duniani.”

Mara baada ya kuisaidia PSG kufika fainali ya Ligi ya Mabingwa kwa mara ya kwanza katika historia ya klabu hiyo na kushinda taji la ligi kuu ya Ufaransa ‘Ligue 1’ msimu wa 2019/20, Mbappe na Neymar wamefanikiwa kumshawishi mkurugenzi wa michezo wa PSG kuwa wao ni wachezaji wazuri zaidi duniani nyuma ya Messi na Ronaldo.

Mbappe, alifanikiwa kuifungia PSG jumla ya magoli 30 katika mashindano yote msimu uliopita wa 2019/20, huku Neymar akiweka kambani magoli magoli 19 katika michezo 27 aliyocheza.

Wawili hao wametajwa mara kadhaa kuja kuwa warithi wa nyota wa Juventus, Christiano Ronaldo (35) na shujaa wa Barcelona, Lionel Messi (33) pale watakapostaafu kucheza soka la kiushindani.

Mkurugenzi huyo wa michezo, Leonardo anatarajia nyota hao wataendele kubaki PSG licha ya kuwa mara kadhaa wamekua wakihusiahwa na tetesi za kuihama klabu hiyo.

“Tunataka kuendelea kusalia na Mbappe na Neymar. Ni lazima tufanye hivyo,” alinukuliwa Leonardo.

“Kuwa na wachezaji wawili kama wale kwenye kikosi ni jambo kubwa. Messi na Ronaldo wapo timu tofauti. Tunao wachezaji wakubwa wawili baada ya Messi na Ronaldo.”

Mkurugenzi huyo pia amesisitiza kuwa wana mpango wa kuendelea na kocha wao wa kikosi cha kwanza, Thomas Tuchel, licha ya kuwepo kwa tetesi kuwa wamekuwa wakimuwania Massimiliano Allegri.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.