Cardetti: Ronaldinho ni Zaidi ya Messi

Kila mtu ana mtu anayemkubali zaidi, na inapofika nafasi ya kufananisha watu wenye uwezo na historia katika soka kila mmoja huwa na maoni yake! Kwa Martin Cardetti, kama angekuwa na nafasi ya kuchagua, angemchagua Ronaldinho dhidi ya supastaa wa Barcelona Lionel Messi!

Ronaldinho alifurahia na kupeta sana enzi zake za soka alipokuwa Barcelona, Milan, PSG na pia Brazil. Alifanikiwa kushinda Ballon d’Or mwaka 2005, Kombe la Dunia, Ligi ya Mabingwa na LaLiga ikiwa ni baadhi ya mafanikio yake kwenye soka.

Messi kwa upande mwingine, naye anachukuliwa kama mwanasoka wa kipekee na mwenye uwezo mkubwa kuwahi kutokea kwenye soka. Ana rekodi ya kushinda Ballon d’Or mara 6, akiwa na mataji ya La Liga 10 kibindoni, pia ana medali 4 ya Ligi ya mabingwa na mataji mengine mengi!

Lionel Messi na Ronaldinho walipata nafasi ya kucheza pamoja Barcelona, na kama unakumbuka vyema wakiungana na Neymar waliitwa wazee wamaajabu wa 3 kutoka Barcelona!

Lakini kwa Cardetti, yeye anasema Ronaldinho ni mchezaji ambaye ameguswa na Mungu na kuwa na uwezo wa ajabu. Walikuwa timu klabu moja ya PSG kabla ya Ronaldinho kusepa kwenda Barcelona mwaka 2003.

Licha ya kutambua vyema mafanikio ya Messi, Cardetti yeye akiwa kama kocha angemchagua Ronaldinho kwa ubora dhidi ya Messi.

“Nilikuwa na Ronaldinho kwa mwaka mmoja, na ni mchezaji wa tofauti, ameguswa na mungu. Wakati wote alifurahia, akiwa na mpira alifanya vitu na kufanya mazoezi sana ili aweze kuonesha vitu hivyo kwenye mechi. Unamuona kuwanzia mazoezini, kwenye mechi na kila kitu anachokifanya anafanya tofauti na wengine.”

Cardetti anasisitiza kuwa yeye wachezaji wa aina ya Ronaldinho wanatokea mara chache sana kwenye historia ya soka, na anajivunia kuwa alikuwa karibu na mchezaji kama huyu. Ungekuwa wewe ni kocha, kati ya Messi na Ronaldinho nani angekufaa zaidi kwa uwezo wao? Achia komenti hapo chini