Tukio la Kihistoria la Fainali ya Uefa Pale Munich 2012 Sehemu ya 1

Wakati Jonas Kaufmann na David Garett wanamalizia ubeti wa mwisho wa wimbo wa UEFA champions league, mji mzima wa Munich ulikuwa umechemka, Allianz Arena palikuwa pamewaka moto, wajerumani hawasikii neno lingine zaidi ya ‘Champions’ katika ule wimbo wa UEFA ulioandikwa na muingereza Tony Britten.

Hawakufika uwanjani kutazama mechi, bali kulitazama taji la tano la Ulaya likibaki Munich. Walikumbuka walivopoteza kimasihara mwaka 2010 mbele ya Inter Milan ya Jose Mourinho. Sasa ilikuwa ni zamu yao.

Wakati huo pale London mitaa ya Fulham, lililopo dimba la Stamford Bridge, mashabiki 41,000 wa Chelsea walikuwa wameujaza uwanja wao kama kawaida. Licha ya mchezo kuchezwa Ujerumani, wao waliamini wachezaji wao watawasikia kutoka nyumbani.

Wengi wao waliingia uwanjani wakiwa na magazeti ya ‘the beautiful game’ mikononi mwao. Gazeti hilo la siku hiyo ya tarehe 19 May 2012 liliwakumbusha mashabiki wa Chelsea namna Uingereza ilivoshinda vita ya pili ya dunia mbele ya Ujerumani. Hivo leo pia, walikuwa na kila sababu ya kushinda.

Itaendelea……