Young: Ilikuwa Rahisi Kujiunga Inter

Baada ya kudumu kwenye kikosi cha Manchester United kwa miaka 8. Ashley Young aliamua kujiunga na Inter Millan mapema mwezi Januari.

Young ambaye alikuwa na wakati mzuri ndani ya kikosi cha Manchester United. Alijikuta akiwa katika wakati mgumu baada ya Ole Gunnar Solskjaer kukabidhiwa mikoba ya Mourinho.

Ujio wa Solskjaer ulileta neema kwa wachezaji vijana huku wachezaji wenye umri mkubwa wakitumika mara chache sana. Young (35) alijikuta kwenye wakati mgumu zaidi baada ya ujio wa Aaron Wan Bissaka na kuchipukia kwa Brandon William, nafasi za vijana hawa zilimfanya Young kukosa namba kwenye kikosi cha Manchester United.

Akizungumzia suala hilo wakati alipofanya mahojiano na ukurasa wa Uefa, Young amenukuliwa akisema, ” Kuwepo kwangu England maisha yangu yote, kiukweli yalikua ni mabadiliko makubwa. Ilikuwa ni fursa yangu ya kwenda kucheza mara kwa mara.”

” Nilizungumza na Ole na alinambia sitokuwa nikicheza mara kwa mara kama nilivyokuwa ninahitaji. Ukiwa unaelekea mwishoni mwa muda wako wa kucheza soka, unahitaji kuwa unacheza mara kwa mara. Nipo vizuri kama wachezaji wengine na bado ninavitu vingi vya kuonesha.

“Kwa upande wangu umri ni namba tu. Ole alisema atawapa nafasi wachezaji vijana na hivyo sitokuwa na nafasi kubwa. Fursa ya kujiunga na Inter ilipokuja, ilikuwa ni jambo rahisi kwangu. Nilihitaji kupanda ndege na kuondoka eneo lile [Man United] mapema kabisa.

“Nilikuwa nikizungumza na kocha pamoja na wachezaji wa hapa [Inter Millan] niliokuwa ninawafahamu. Ilikuwa ni fursa nzuri, moja ya klabu kubwa duniani katika ulimwengu wa soka.”

Katika kuelekea mchezo wao wa nusu fainali dhidi ya Shaktar Donetsk, Young amezungumzia namna ya ufundishaji wa kocha wake – Antonio Conte.

“Conte anahitaji kila kitu, sio uwanjani tu hata kwenye mazoezi. Unaweza kusema ni mshindi, anahitaji ushindi na anataka hilo litimizwe na kila mchezaji. Kila mmoja ana akili ya ushindi.

” Serie A ni ligi inayotumia sana mbinu kuliko nilivyokuwa nimezoea, lakini ni moja ya vitu unapaswa kuvizoea na ninadhani nimeshazoea. Kucheza kama winga mkabaji kunahitaji mbio nyingi na kushambulia, ni vitu ambavyo nimevizoea na imenisaidia kufunga magoli na kutoa pasi za magoli.

“Nilipokuwa Man United, nilikuwa kama mlinzi zaidi. Ukiwa hapa [Inter] unapaswa kuwa unashambulia zaidi kuliko kukaba.”

Akiwa Manchester United, Young alibeba makombe 5 likiwemo ya Ligi Kuu Uingereza- EPL. Pia, alikabidhiwa unahodha wa timu hiyo baada ya Antonio Valencia kuondoka Old Trafford. Inter Millan walimsajili kwa ada ya euro milioni 1.5 kabla hakuwa mchezaji huru.

Umekuwa mteja muaminifu wa meridianbet? Basi fahamu kuwa kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

Soma zaidi