Gabriel Ruksa Kuondoka Lille

Baada ya kuonesha matamanio ya kuongeza uwezo wake kunako soka la Ulaya. Hatimaye Gabriel Magalhaes  ameruhusiwa kuondoka Lille.

Inasemakana uwezekano wa beki huyo kucheza kunako Ligi Kuu Uingereza – EPL ni mkubwa kufuatia vilabu kama Manchester United na Arsenal kuhitaji saini ya kijana huyo mwenye umri wa miaka 22, raia wa Brazil.

Akizungumza na BBC World Service’s World Football, mmiliki wa Lille – Gerard Lopez amesema, “Jinsi tunavyofanya kazi ni rahisi. Tumemuelezea [Gabriel] yeye na wakala wake kile tunachokihitaji, endapo kitatimizwa basi maamuzi yatakuwa ni yake. Kama tulivyofanya kwa Nicolas [Pepe] na Victor [Osmihen].

“Tumefikia hapo na tumemwambia, unapaswa kufanya maamuzi lakini hatukulazimishi. Nadhani ataamua wiki hii au mapema wiki ijayo. Anaondoka, tumeruhusu hilo.

“Kunaushindani mkubwa, bado ni mchezaji kijana. Anapaswa kufanya maamuzi yaliyosahihi. Tumemsaidia kidogo hivyo tumemwambia, tunadhani huyu ni kocha sahihi au hii ni klabu sahihi kwako. Anakipaji kikubwa, atafanikiwa popote atakapokwenda.”

Mapema mwezi Juni, Gabriel alikaribisha fursa za kujiunga na timu zingine alipoweka wazi adhima yake ya kutaka kuboresha zaidi kiwango chake.

Akizungumza na L’Equipe. Gabriel alinukuliwa akisema, “Ninahitaji kwenda mbali zaidi kadiri iwezekanavyo, nilikuja ulaya kwa ajili hiyo. Uingereza au Italia? zote ni sehemu zenye mashindano mazuri.

“Popote nitakapokwenda, nitaweza kucheza katika nafasi ya juu. Kikubwa zaidi ni katika timu itakayoniruhusu kucheza kwa nafasi.”

Lille wapotayari kumuuza Gabriel kwa timu yeyote itakayowalipa pauni milioni 25. Inafahamika kwamba kocha wa Man United – Ole Gunnar Solskjaer yupo sokoni kumtafuta beki wa kati anayetumia mguu wa kushoto atakayecheza na Harry Maguire msimu ujao.

Umekuwa mteja muaminifu wa meridianbet? Basi fahamu kuwa kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

Soma zaidi