Henry, Mwambie Aubameyang Apokee Simu Yangu au Ajifunze Kupitia Wewe

Hadithi nzima inaanzia ile jioni ya Agosti 3 mwaka 1999, waingereza walisimama kwa butwaa kubwa sana mitaa ya Longford London kumshangaa kijana mmoja mdogo sana aliyekuwa akiongozana na Arsene Wenger kuelekea maeneo ya Holloway yalipo makao makuu ya club ya Arsenal.

Mashabiki wengi wa Arsenal walihuzunishwa na usajili ule wakiamini Thierry Henry hakuwa na hadhi ya kucheza Arsenal, ila Wenger aliamua tu kumbeba kwa sababu alikuwa mfaransa mwenzake. Mitaa haikuwa inampa uzito sana. Wengi Jioni ile, walikuwa bize na ujio wa Davor Suker kutoka Real Madrid.

Walitazamana tu wakiambiana, “Si amefeli Juventus huyu mtoto? Jamani, kwani Arsenal ina shida winga? Hawa wafaransa wanabebana sana hawa.” Ila Wenger alimnong’oneza kwa kifaransa kijana wake ‘c’est la vie’ akimaanisha ‘ndiyo maisha jikaze.’

Ila laiti kama waingereza wangejua kuwa mzee Wenger kaleta ‘moto kama wa Sodoma’ kwa mabeki na makipa, wasingesema hovyo ile siku. Wenger alimuhamisha Henry kutoka eneo ka winga na kumfanya mshambuliaji wa kati. Kila mtu anajua nini kilifuata baada ya hapo.

Miaka nane aliyocheza Arsenal amepiga mabao 228, 175 yakiwa ya ligi. Mpaka kesho anabaki kuwa mfungaji wao bora wa muda wote. Amechukua mataji manne pale. Ameondoka na kiatu cha mfungaji bora wa msimu mara nne na amekuwa mchezaji bora wa mwaka mara tatu. Aliikosakosa ballon d’or ya 2003. Henry mtu bwana🙌.

Maisha yalienda kasi na Arsenal ilivurugika, ikapoteza ule uimara wake. Henry alivumilia kwa kuwa alipendana sana na Arsenal. Zaidi ya yote alimuheshimu sana Wenger. Ila Siku moja ya mwaka 2007 uzalendo ulimshinda. Henry akamfuata Wenger mazoezini na kumuambia. “Tuna timu nzuri sana ya vijana, ila najua hatuwezi kuchukua taji la ligi kwa sasa. Nina miaka 31, siwezi kusubiri vijana wakomae. Naomba niondoke, nikajaribu kushinda sehemu nyingine.”

Hivo ndivyo Henry alivofika Barcelona. Alienda kutwaa la liga mbili na UEFA mwaka 2009. Mpaka leo Henry anadai kuondoka Arsenal ndiyo maamuzi magumu kuwahi kuyafanya katika maisha yake. Si rahisi kuagana na watu mliowekana moyoni kwa ajili ya mafanikio binafsi.

Umekuwa mteja muaminifu wa meridianbet? Kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

soma zaidi