Herrera: Mbappe na Neymar Wanafuraha PSG

Ander Herrera amesisitiza kuwa Mbappe na Neymar wanafuraha sana pale PSG na klabu haina mpango wa kuwauza, zaidi ya kuwanunua mastaa wengine.

Mbappe na Neymar, kwa pamoja wamekuwa wakihusishwa na kuondoka klabuni hapo, huku klabu za Real Madrid na Barcelona zikihusishwa zaidi kuwania saini zao.

Lakini kwa mujibu wa Herrera, fowadi hawa wanaonekana kuwa na furaha zaidi pale PSG baada ya kuwasaidia timu yao kuchukua ubingwa wa Ligue 1 kwa mara ya 3 mfululizo.

Herrera akizungumza na AS, aliulizwa pia ikiwa klabu ikalazimika kumuuza mmoja wao, ni yupi kati ya wawili hawa itakuwa siyo rahisi kumbakiza?

“Sifahamu, kwa kuwa sielewi wanalipwa kiasi gani au ni mapato ya kiasi gani wanayoiingizia klabu, ambayo pia ni kampuni.”

“Lakini nafahamu kuwa wao ni sehemu muhimu zaidi katika mradi na ninawaona wanafurahia kuwa na PSG.” -Ander Herrera

Ikumbukwe PSG walimshusha Neymar klabuni hapo kwa ada iliyovunja rekodi ya dunia ya €222M akitokea Barcelona mwaka 2017. Na sasa Barcelona wanataka kumrejesha kondoo waliyemuuza kwa mkulima mwingine wakiona bado amenona.

Wakati huo Mbappe alijiunga na klabu hiyo mwaka uliofuata baada ya Neymar kwa mkataba wa kudumu akitokea Monaco kwa ada ya €135M.

Wamekuwa sehemu muhimu ya PSG, na PSG wana jeuri ya pesa kuendelea kuwabakiza klabuni hapo licha ya kuripotiwa kwa nyakati tofauti kuwa mastaa hao wanatamani kuondoka.

Unafikiri PSG wamuuze nani na kumuacha yupi? Nitafurahi kusoma maoni yako hapo chini.

Bashiri Mechi za Leo Bundesliga BETI HAPA