Jadon Sancho Atasalia Dortmund

Licha za kuhusishwa zaidi na tetesi za kuondoka klabuni hapo, kwa mujibu wa chanzo kutoka klabuni hapo Jadon Sancho hatarajiwi kuondoka klabu ya Borussia Dortmund siku za hivi karibuni.

Nyota huyu ambaye aliwahi kuwa kinda wa Manchester City, amekuwa akihusishwa na kurejea Uingereza baada ya kuitumikia Dortmund.

Vinara wa Ligi Kuu Uingereza, Liverpool pamoja na Manchester United walilipotiwa kuwa mbioni kuisaka saini ya nyota huyu amabye anatajwa kuwa na thamani ya €100m.

Kuelekea mechi yao ya kwanza, ya Jumamosi hii, Jadon Sancho tayari alikuwa amecheka na nyavu mara 17 na kutoa asisti 16 kwenye msimu wa Bundesliga wa 2019/20. Kwa ujumla amecheza mechi 74 na kufunga magoli 30, huku akitoa usaidizi wa magoli 34 zaidi tangia alipokuwa na Dortmund.

Kwa mujibu wa Sebastian Kehl, ambaye ni ofisa wa klabu ya Dortmund, anasema kuwa hajaona dalili na shamra shamra zozote za Jadon Sancho kuondoka.

“Tunatarajia Jadon kucheza nasi msimu ujao.” alikiambia chanzo cha habari za michezo cha Sky. Alipoulizwa kuhusu Liverpool kuwa vinara wa kuiwania saini ya Sancho alisema “Huo sio ukweli”