Liverpool vs Arsenal, Spurs vs Chelsea Carabao Cup.

Miamba wa soka ya Ligi Kuu ya Uingereza (EPL), Liverpool, watakuta na Arsenal kwenye raundi ya 16-bora ya kipute cha Carabao Cup mnamo Oktoba 1, 2020 baada ya kuwakomoa Lincoln 7-2 uwanjani Sincil Bank mnamo Alhamisi.

Arsenal ya kocha Mikel Arteta, ilifuzu kwa hatua ya 16-bora baada ya kuzamisha chombo cha Leicester City kwa mabao 2-0 mnamo Septemba 23 uwanjani King Power.

Wakicheza dhidi ya Lincoln, Liverpool ambao kwa sasa wananolewa na kocha Jurgen Klopp, mabao yao yalifungwa na Takumi Minamino, Curtis Jones, Xherdan Shaqiri, Marko Grujic na Divock Origi.

Tottenham Hotspur walifuzu kwa hatua ya 16-bora bila ya kutoa jasho baada ya kupewa nafasi ya bure. Hatua hiyo ilichangiwa na tukio la idadi kubwa ya wachezaji wa kikosi cha kwanza cha Leyton Orient waliokuwa wavaane na Spurs kuugua Covid-19. Spurs ya mkufunzi Jose Mourinho sasa itachuana na Chelsea ya kocha Frank Lampard.

Chini ya kocha Pep Guardiola, walivaana na Bournemouth na kuwafunga 2-1 kujikatia tiketi ya kuvaana na Burnley katika raundi ijayo ya 16-bora.

Kati ya mechi nyinginezo zilizotandazwa Septemba 24, Aston Villa walipata ushindi wa 3-0 dhidi ya Bristol City uwanjani Ashton Gate na kufuzu kukipiga na Stoke City kwenye mchezo utaoshuhudia mshindi akitinga hatua ya robo-fainali ya Carabao Cup msimu huu.

DROO YA 16-BORA CARABAO CUP:

Tottenham vs Chelsea

Newport County vs Newcastle

Burnley vs Manchester City

Brighton vs Manchester United

Everton vs West Ham

Brentford vs Fulham

Aston Villa vs Stoke City

Liverpool vs Arsenal

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa