October 2 1980, Muhammad Alli anachakazwa vibaya sana na Larry Holmes. Kabla ya pambano madaktari walimkataza Alli kupanda ulingoni kutokana na hali mbaya ya afya yake.
Ila walisahau huyu ni Muhammad Alli, binadamu asiyeamini katika kushindwa na kupoteza. Alilazimisha kupigana akiwa mgonjwa akaambulia kipigo cha ‘mbwa mwizi’
Jukwaani alikuwepo mshikaji wa karibu wa Alli, Cus D’Amato aliyekuja na mvulana mdogo wa miaka 14, Alimuokota katikati ya mji akiwanyang’anya watoto wa kizungu chakula na kuwapiga vibaya.
Huyu mtoto aliiabudu mikono ya Muhammad Alli, Aliyahusudu maisha yake na kuuishi unyama wake. Huyu mtoto wa kuitwa Mike Tyson.
Mike Tyson alirudi nyumbani hawezi kuongea, hawezi kula wala kulala. Ilibidi Cus ampigie Alli simu na kumuambia “nipo na kijana fulani hapa, ana ndoto za kuwa Muhammad Alli, tafadhali ongea nae”.
Tyson alishika simu na kuzungumza sentensi moja tu, “Jana nimekutazama ‘live’ kwa mara ya kwanza, usihofu nitakulipia kisasi siku moja.” Ikaisha hivo.
Muda haugandi na jua halikawii kuchwa, Larry Holmes alistaafu ngumi na kurudi nyumbani kupumzika. Tyson alikuja kuitikisa dunia. Holmes akiwa na miaka 38 alitamanishwa kurudi ulingoni kupambana na Tyson kwa kitita cha dola 3 milioni. Tyson alikuwa tayari kupambana bure, pesa si kitu mbele ya kisasi alichokifuga kwa zaidi ya miaka nane.
Pambano likaandaliwa na kupewa jina la ‘Heavy weight history’. Saa hiyo dunia inakumbuka kuwa Holmes hajawahi kupigwa kwa ‘KO’. Muhammad Alli alialikwa kama mgeni wa mpambano.
Kabla ya kengele kulia Muhammad Alli alimfuata Tyson na kumnong’oneza “kumbuka ulichowahi kuniahidi, wakati ni sasa”. Tyson hakumuangusha, ndani ya raundi nne tu Holmes alikula KO ya kwanza ya maisha yake.
Hadithi yangu ya Mike Tyson inaanzia asubuhi moja ndani ya jela ya watoto mjini New York akiwa na miaka 13. Hii ilikuwa mara ya 38 analetwa ndani.
Maafande hapa walimshazoea, ilifika muda wakampa sero yake binafsi yenye jina lake. Si Mapadre wa Roma wala Masheikh wa Saudia waliodhani kama Tyson anaweza kubadilisha tabia..
.
ITAENDELEA..
Ni Muda wa Kuvuna Mkwanja na Jungle Jim and the Lost Sphinx
Hauihitaji kufikira mara mbili ni mchezo gani utakupatia mkwanja ndani ya kasino za Meridianbet. Jiunge sasa ufurahie Jungle Jim and the Lost Sphinx.
Issa
Mike ngumi jiwe
Venerose
Tyson yupo vinzur
Rahma
Tyson anaeleweka Yuko vizuri
Neema juma
Kupambana na mtu kama Tyson ni shughuli pevuu.yuko vizuri sana
Sarah
Tyson Yuko vizuri
Angelina
Nice
Caroline
Tyson ni noma
Hopemwaikuka
Nmeipenda hii
Mwanahamisi
Nice
warda
Napenda tena tyson arudi ulingoni
Lydia Emmanuel Magoti
Yupo vizuri tyson