Newcastle United Watampata Philippe Coutinho?

Imeripotiwa kuwa klabu ya Newcastle United iliingia katika makubaliano pamoja na klabu ya Barcelona kuhusu dili la winga wao ambaye kwa sasa hawamuhitaji sana, Philippe Coutinho.

Mchezaji huyo mwenye umri wa miaka 27 kwa sasa yupo kwa mkopo kwa moja ya klabu za Bundesliga, Bayern Munich, na anategemea kuondoka hapo kwa Barca ambapo wagemi hao wa Premier League wanamvizia kwa udi na uvumba mshambuliaji huyo.

Ripoti za hivi karibuni zimeweka wazi kwamba Washika Mitutu wa London walikuwa wakimsaka sana mchezaji huyo na kuvizia saini yake kwao. Wao waliweka mezani dau la £300m kuwazidi wenzao wa Newcastle ambapo ikaonekana kama The Magpies wasingeweza kujitoa kwa hilo kutokana na kuyumba kiuchumi mara baada ya uwepo wa ugonjwa wa Corona.

Chanzo cha habari cha Mundo Deportivo wanadai kuwa upande huo wa Steve Bruce ambao wamewasiliana na Barcelona kuhusiana na uwezekano wa kutimia kwa dili lao la Coutinho, ambao watakumbana na sakata la kukatwa mishahara kutokana na kuyumba kiuchumi kwa klabu za huko Ulaya na kwingine kote duniani.

Mchezaji Coutinho amejipatia magoli nane na assists sita kwenye ligi aliyopo sasa, Bundesliga msimu huu lakini mchezaji huyo wa zamani wa klabu ya soka ya Liverpool anaripotiwa kuwa hatocheza kwa ajili ya klabu ya Bayern kwa mara nyingine kutokana na jeraha la kifundo cha mguu.

Watabe hao wa Bundesliga walikuwa na chaguo la kumsajili mchezaji huyo wa kimataifa wa Brazil kwa mkataba wa kudumu lakini waliamua kuachana na ishu hiyo.