Gronkjaer, Shujaa Aliyemkaribisha Roman Abramovich Nyumbani

Bila shaka leo nikikuuliza unitajie majina ya mashujaa wa Chelsea utawataja wengi lakini unaweza kulisahau jina la Jesper Gronkjaer!

Ndiyo, Gronkjaer ambaye leo anahusika kwa kiasi kikubwa kwenye makala ya leo.

Inawezekana ukajiuliza kwanini Gronkjaer akawa shujaa? wakati labda hatajwi sana au ata hakuusika kwenye mataji mengi ya Chelsea, yani ata hakuusika kwenye kuifanya Chelsea kuwa klabu ya kwanza jijini London kushinda taji la Klabu bingwa Ulaya, anakuwaje shujaa?

Ushujaa wake unatajwa kuja mwaka 2003 pale kwenye uwanja wa Stamford Bridge ambapo Chelsea haikutakiwa kupoteza mechi ya mwisho ya ligi kuu Uingereza ili ifanikiwe kumaliza ndani ya timu nne za juu na kushiriki michuano ya Klabu bingwa Ulaya kwa msimu ujao wa 2003-2004.

Hii isingekuwa mara ya kwanza kwa Chelsea kufuzu kushiriki michuano hiyo ya Ulaya, lakini inakuwaje ushujaa wake unakuja kwenye mechi hii?

Ipo hivi!
Unaambiwa mchezo huo wa mwisho Chelsea ilitakiwa ihakikishe inapata ushindi ili imalize ndani ya timu nne za juu, na ilikuwa inacheza dhidi ya Liverpool ambayo nayo ilitaka ipate ushindi ili ifuzu kushiriki michuano hiyo ya Ulaya, lakini mchezo ulikuwa wa muhimu zaidi kwa Chelsea kwasababu tajiri wa kirusi, Roman Abramovich alikuwa mguu nje, mguu ndani kwenye kuinunua Chelsea, na inaaminika angekuwa mguu ndani kuinunua kama Chelsea ingefanikiwa kufuzu kushiriki michuano ya Klabu bingwa Ulaya.

Hivyo, Chelsea ilitakiwa ifuzu kushitiki michuano hiyo ya UEFA ili mwekezaji, Roman Abramovich ainunue Chelsea.

Liverpool walikuwa wa kwanza kupata goli, likifungwa na Sami Hyppia lakini baadae beki wa Chelsea raia wa Ufaransa ambaye ni mshindi wa Kombe la Dunia mwaka 1998, Marcel Desailly akasawazisha na kufanya ubao kusomeka 1-1 kabla ya Jasper Gronkjaer kufunga goli la ushindi ambalo liliifanya Chelsea kumaliza msimu wa 2002-2003 ikiwa ndani ya timu nne za juu na kufanikiwa kufuzu kushiriki UEFA kwa msimu ujao.

Ushindi huo ukafuatiwa na biashara rasmi ambapo Abramovich akamwaga kiasi kikubwa cha pesa kuinunua Chelsea.

Goli hilo la Gronkjaer likapachikwa jina la goli la paundi bilioni 1 likimaanisha goli lililoruhusu uwekezaji wa bilioni 1 ndani ya Chelsea.

Umekuwa mteja muaminifu wa meridianbet? Basi fahamu kuwa kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

Soma zaidi