Volland Amesajiliwa Monaco

Dirisha la usajili linaendelea kutupa kila sababu ya kuwa makini kutizama kile kinachoendelea katika vilabu mbalimbali. Mshambuliaji wa Bayer Leverkusen- Kevin Volland amesajiliwa Monaco.

Leverkusen wanapata pigo kwa kuondokewa na wachezaji wake hii ni baada ya kukosa nafasi ya kushiriki Ligi ya Mabingwa msimu ujao, pengine hii ni sababu moja kati ya nyingi.

Kevin Volland ametua Ligue 1.

Wakati ambapo taarifa zikidai Kai Havertz anatua darajani – Stamford Bridge muda wowote, mchezaji mwenzake ameamua kutimkia Monaco kwa mkataba wa miaka 4 na ada ya euro milioni 15.

“Ninawashukuru viongozi wa Monaco kwa imani walionionesha. Ninafurahi kujiunga na klabu hii yenye historia kubwa na maono makubwa.

“Nilifuatilia mchezo wao wa kwanza na ninashauku kubwa ya kuungana na wachezaji wenzangu na kuonesha ubora wangu.” amesema Kevin.

“Kevin amekuwa mfano wa kuigwa katika kikosi cha Bayer kwa muda sasa. Ilipotokea hii fursa ya kwenda kucheza sehemu nyingine, tulipokea maombi yake ya kutaka kuondoka na uamuzi ulifikiwa kwa makubaliano ya pande zote mbili.” amesema Mkurugenzi wa Michezo wa Leverkusen – Simon Rolfes.

Katika michezo 247 aliyoicheza Volland akiwa Bundesliga, amefunga magoli 77 na kutoa pasi 62 za magoli.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza Sasa.