Wakala wa Salah Akanusha Mawasiliano na Real

Wakala wa nyota wa Liverpool Mohamed Salah amekanusha madai kuwa Real Madrid walitaka kumsajili Salah mwaka 2018.

Mchezaji wa zamani wa Egypt Hany Ramzy, alisema jumamosi kuwa Mo Salah alijadilianana kocha wake wa timu ya taifa Hector Cuper Machi 2018, juu ya kuwasiliana na Real Madrid ambao walitaka kumsajili.

Ramzy meongea katika kituo cha televisheni cha Ontimes Sports kuwa alikuwepo kwenye mazungumzo hayo, na alikuwa sehemu ya mazungumzo juu ya Real Madrid kujaribu kumsajili Salah.

Lakini wakala wa Salah, Rammy Abbas Issa amekanusha kabisa madai hayo.

Wakala huyu anasema Salah hakuwahi kufanya majadiliano ya mpango wake na kocha yeyote aliyepita. Alichapisha kanusho hilo kwenye ukurasa wake wa Twitter.

Salah alifanya vyema kampeni yake ya 2017/8, akifanikiwa kupata magoli 32 kwenye kwenye Ligi Kuu, na kutoa asisti 10.

Mpaka sasa Salah amefunga jumla ya magoli 91, katika mechi 144 tangia alipofika Liverpool kutoka Roma 2017.