'Barcelona Wasimsajili Tena Neymar' -Elber

Mshambualiaji wa zamani wa Brazil Giovance Elba anasema kuwa Barcelona hawatakiwi kumsajili tena nyota wao wa zamani Neymar, ambaye aliamua kuhamia Ufaransa.

Neymar ambaye kwa sasa ana miaka 28, amekuwa akihusishwa mara kwa mara na duru za soka kuwa anatarajiwa kurejea klabu ya Barcelona. Ni kama ana miaka mitatu tangia atoke Barcelona kwa ada ya kuvunja rekodi ya dunia ya paundi milioni 222.

Elber ambaye aliwahi kung’ara sana wakati akiwa Bayern Munich, ambaye alicheza gemu 15 za timu ya taifa ya Brazili katika maisha yake ya soka, anaona kama mabingwa wa La Liga, Barca wangeacha kabisa kufikiria kumrejesha Neymar new Camp na anahoji kuwa ‘hawajiulizi kwa nini aliamua kuondoka klabuni hapo?’

Akiwa kwenye mahojiano na Cadena SER aliulizwa Barcelona wamsajili Neymar tena? Elber akajibu “Hapana. Kwa kuwa aliondoka Barcelona kwangu hakuna uwezekano wa kurejea hapo tena”

Elber anasea Neymar aliondoka bila heshima alipokuwa anaondoka Barca, kwa kuwa aliondoka kwa kusema kuwa anataka kwenda kuwa bora zaidi duniani akiwa PSG.

Kama Elber, angekuwa ni sehemu ya maamuzi muhimu Barcelona basi Neymar asingekuwa na nafasi9 tena Barcelona.