Washambuliaji Bora Kutoka Afrika

Bara la Afrika limekuwa na washambuliaji wafungaji mabao mahiri sana tangu enzi na enzi katika ligi mbalimbali duniani kote. Hata hivyo, kuna waliotisha zaidi ya wengine wote. Angalia hapa chini kuwafahamu: 

Inaendelea… 

George Weah

Rais wa sasa wa taifa la Liberia alikuwa anatisha sana katika soka la ulimwenguni enzi zake za ujana kabla hajashinda uchaguzi wa taifa lake mwaka 2017. Yeye ni mchezaji soka pekee wa Afrika ambaye ameshinda tuzo zote za FIFA World Player of the Year na ile tuzo nzuri sana na kubwa duniani, Ballon d’Or.

Alibarikiwa sana kuwa na kipaji na ujuzi wa soka na uwezo mkubwa sana wa kuona goli lilipo, kwa sasa ana umri wa miaka 53 na ameshinda medali nyingi sana akiwa na klabu mbalimbali na hata akiwa yeye binafsi.

Ukiachilia mbali suala la yeye kuwa ameshinda tuzo ya African Player of the Year mara tatu, Rais huyo wa Liberia alikuwa ndiye mfungaji bora kwa msimu wa 1994/1995 wa michuano ya Champions League.

Alishinda kombe la FA Cup akiwa na klabu ya soka ya Chelsea na lile la Ligue 1 akiwa na klabu ya soka ya Olympique Marseille.

Inasikitisha sana kuwa huyu Weah hakushinda lolote akiwa na taifa lake hilo. Ila hata hivyo bado anabakia kuwa ndiye moja ya washambuliaji wakubwa sana na walio bora kutoka Afrika.

Roger Milla

Roger Milla aliiwakilisha nchi yake kwenye mashindano ya 1990 World Cup kule nchini Italia na iliweka historia kubwa ambayo inadumu mpaka leo hii. Mcameroon huyo alikuwa na umri wa miaka 38 wakati alipoisaidia timu ya The Indomitable Lions kufunga mabao manne na kuweka historia ya kuwa ndiye mchezaji wa kwanza wa Afrika kufika hatua ya robo fainali.

Miaka minne mbele akiwa USA akafanikiwa kuwa ndiye anayeongoza katika ufungaji magoli akiwa na umri mkubwa zaidi ya wengine kwa wakati huo.

Mafanikio haya, hata hivyo, yalikuja mwishoni mwa soka lake la kimataifa. Kwa ujumla tunaweza sema kuwa alishinda mataji ya AFCON mara mbili, AFCON Golden Boot mara mbili na vile vile akawa ndiye Player of the Tournament mwaka 1986.

Tusisahau kuwa mkongwe huyu alitunukiwa kuwa ndiye African Player of the Year mara mbili, na pia CAF ikamtaja mara mbili kuwa ndiye Africa’s Player of the Century.

ITAENDELEA…