Watatu Wakutwa na Corona FC Koln

Watu watatu katika klabu ya FC Koln wamekutwa na maambukizi ya Corona, klabu hiyo imethibitisha japo wamesema mazoezi yataendelea kama ilivyopangwa. Koln ipo imebakiwa na mechi tisa na wapo nafasi ya kumi.

Bundesliga inatarajia kuwa Ligi ya kwanza Ulaya kurejea uwanjani.

Tarehe rasmi iliyotajwa ni tarehe 9 Mei lakini serikali imechelewa kufanya maamuzi ya kurejea hivyo kufanya tarehe kusogea hadi Mei 16 au 23.

Wale waliokutwa na virusi hawakuwa na dalili yoyote lakini watakaa karantini siki 15 imesema klabu.

“Wachezaji wote, makocha na watumishi wengine walipima Alhamis Covid-19,”

“FC Koln hawatataja majina kwa kuheshimu usiri wa walioathirika. Mazoezi yataendelea kama ilivyopangwa kwa kuzingatia taratibu zote za kuzuia maambukizi ambazo zimewekwa tangu April 6 kwenye mazoezi ya vikundi.

“Tumechukua hatua za kupima kikundi hicho tena, kama ushauri wa wataalamu wa afya ‘Taskforce Sports Medicine/Special Game Operation’ kutoka DFL.”

Alhamis, Chancellor Angela Merkel alisema maamuzi yoyote kuhusu lini shughuli za michezo zitarejea yatafanyika Jumatano Mei 6.

“Ni muhimu kutulia na kuheshimu taratibu za wataalamu wa afya,” alisema Merkel.