Yanga na Azam Tuendelee Kusali

Kanuni za mashindano ya CAF zinaelekeza kwamba nchi 12 zenye ligi bora barani Afrika, hutoa timu 4 kushiriki mashindano ya CAF; mbili kwenye ligi ya mabingwa na mbili kwenye Kombe la Shirikisho.

Msimu huu (2019/20), Tanzania ilikuwa katika nafasi ya 12, na ndiyo maana ilitoa timu 4. Simba, Yanga, Azam FC na KMC.

Lakini kutokana na kufanya vibaya kwa timu hizo, Tanzania ikashuka hadi nafasi ya 13, na Libya ambayo ilikuwa ya 18, ikapanda hadi nafasi ya 12 kutokana na timu yake ya Al Nasr kufika robo fainali ya Kombe la Shirikisho.

Hata hivyo, Libya haitokuwa na mshiriki katika mashindano ya CAF kwa msimu ujao wa 2020/21 kutokana na kushindwa kumaliza ligi yao.

Hii ni mara ya pili kwa nchi hiyo kushindwa kumaliza ligi, hivyo CAF wameiadhibu kwa kuwaondoa kwenye mashindano.

Sasa endapo Libya hatokuwepo, huenda zile nafasi zao nne zikaangukia kwa anayefuata baada ya yao, ambao ni sisi Tanzania.

Japo CAF hawajatoa maelekezo juu ya atakayechukua nafasi ya Libya, lakini matumaini ya wachambuzi wengi ni kwamba nafasi hiyo itaangukia kwa Tanzania.

Hapa ndipo kwenye matumaini.

Kama itakuwa hivyo, basi timu za Tanzania zitakazoshiriki ni kama ifuatavyo.

Simba – Ligi ya Mabingwa
Yanga – Ligi ya Mabingwa
Namungo – Kombe la Shirikisho
Azam FC – Kombe la Shirikisho

Umekuwa mteja muaminifu wa meridianbet? Basi fahamu kuwa kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

Soma zaidi