Inter Kumchukua Sanchez Jumla

Hatimae Manchester United wanaweza kuachana na Alexis Sanchez baada ya Inter Millan kukubali kumsajili moja kwa moja kulingana na taarifa kadhaa kutoka Italia.

‘Sky Sports Italy’ wameripoti kwamba mkuregenzi wa Inter Millan Beppe Marrota amekubali kumsajili Alexis Sanchez jumla kutoka Manchester United kwa ada ya uhamisho wa pauni 13.5 milioni. Taarifa hiyo inadai kwamba Sanchez atatangazwa siku ya jumatano baada ya mchezo wa EUROPA dhidi ya Getafe.

Ikiwa dili hilo litakamilika, itakuwa ni habari njema kwa Manchester United wanaotaka kumpunguza Sanchez kikosini kutokana na mapato makubwa anayochukua kwa wiki. Manchester United wanamlipa Sanchez pauni 350,000 kwa wiki.

Kutokana na majeraha ya mara kwa mara na kukosa nafasi katika kikosi cha kwanza, Sanchez alipelekwa Inter kwa mkopo ili akajaribu kurejesha ubora wake.

Licha ya kuwa kwa mkopo, Man United bado walikuwa wanamlipa hela nyingi zaidi ya Inter Millan anaowatumikia. Inter walikuwa wakichangia pauni 150,000 kwa wiki kwenye mshahara wa Sanchez na hawakuwa tayari kumlipa Sanchez mshahara wote, hali iliyosababisha dili la kujiunga nao moja kwa moja kukwama mara kadhaa.

Tiketi yako ya kwanza kamwe haiwezi kupoteza ukiwa na Meridianbet. Unarudishiwa 100% ya Tiketi yako ya kwanza.

Ingia mchezoni