Wagner: Neymar Haondoki PSG

Mshauri wa Neymar Jr – Wagner amesisitiza winga huyo hatoondoka PSG msimu huu kama watu wengi anavyodhani kwamba ni muda sahihi kurudi Barca.

Kufuatia msimu mbaya kwa timu ya Barcelona, baadhi ya mashabiki wa soka na vyombo vya habari duniani vinadhani ni wakati muafaka wa Neymar kurejea katika timu hiyo ambayo wameanza kufanya mabadiliko makubwa.

Wagner anaamini rafiki yake atabaki PSG na kinachowezekana kufanyika ni Messi na Ronaldo kuhamia PSG kama raisi wa timu hiyo atakuwa na pesa za kufanikisha hilo.

Akizungumza na Veja, Wagner amesema ” Neymar anafuraha na ninadhani atabaki PSG kwa misimu mingine miwili ijayo. Kwa sasa, bila shaka ni rahisi kwa Messi kwenda PSG kuliko Neymar kurudi Barca. Messi na Ronaldo, huwezi kuwa na mashaka na uchumi wa Qatar.

“Kuna wakati alikuwa na huzuni kutokana na majeruhi. Kipindi kile alikuwa tayari kuondoka, kurudi Barcelona au kwenda Real Madrid. Sio leo, unaweza kuiona furaha yake.

Wagner anaamini Neymar anaweza kushinda tuzo ya Ballon d’Or.

“Leo hii amewazidi Messi na Ronaldo, kuanzia akili mpaka uwezo. Anastahili, kiuhalisia tuzo itakuwa ni kati ya Neymar, Kylian [Mbappe] and Robert [Lewandowski].

“Fainali ya Ligi ya Mabingwa itatuonesha nani ni bora zaidi duniani. Itakuwa ni fainali ngumu kwa sababu Bayern wanatimu nzuri.”

PSG wameweka rekodi ya kufika hatua ya fainali ya Ligi ya Mabingwa kwa mara ya kwanza msimu huu na watakutana uso kwa uso na Bayern Munich ambao ni wazoefu wa UEFA. Mtanange huu utachezwa jijini Lisbon – Ureno katika dimba la Estadio de Luz.

Drops and Wins!

Umeijua hii? Ni promosheni kabambe ya ushindi kwenye Casino ya mtandaoni ya Meridianbet! Unaweza kushinda hadi Euro 2,000,000 leo.

Soma zaidi Ucheze