Arsenal Wamenionyesha Ufa wa Liverpool

Huenda hatumtazami Mikel Arteta kwa jicho poa, ila ni kocha mmoja wa viwango sana. Hana wachezaji wa kiwango cha juu sana, ila amekazana kuitengeza timu yake ili kupata ubora wa kila mchezaji. Watazame Arsenal walivyokaba kwa nidhamu leo licha ya kutokuwa na wakabaji wazuri. Watazame walivokuwa wanabadilika kwenye ukabaji kwenda kushambulia. Narudia tena, huenda hatumtazami Mikel Arteta kwa jicho poa sana.

Jurgen Klopp anaweza kuwa na msimu mgumu sana kama ataendelea kujiamini na kutokufanya usajili dirisha hili. Mwaka wa tatu huu anakuja na kikosi kilekile. Wametumia nguvu kubwa sana kulipata taji la epl, walitumia nguvu kubwa sana kuipata UEFA, kabla ya hapo bado walifika fainali ya UEFA. Sehemu kubwa ya kikosi cha Liverpool kimechoka kimwili na kiakili. Zinahitajika sura mpya kwa ajili ya kuamsha ari. Sijui kwanini Klopp bado analichelewesha dili la Thiago Alcantara.

Arsenal wameanza huu msimu na mataji mawili. La kwanza ni FA. La pili ni kufanikiwa kumbakiza Pierre Emirick Aubameyang. Yule binadamu anajua, nafasi moja ngumu aliyoipata kipindi cha kwanza ameigeuza kuwa goli. Bado alikuwa muhimu kuziziba njia za Liverpool, bado aliwakumbusha kurudi kila mda kumdhibiti akiondoka kwenye counter attack. Narudia tena, kumbakiza Aubameyang ni kombe lingine la Arsenal.

Nadhani Klopp alimmiss zaidi Trent kuliko uwezo wa Salah. Liverpool hawakuwa hatari kabisa upande wa kulia, kibaya zaidi ni upande huo hatari za Arsenal zilipotokea. Salah alikuwa siku mbaya sana ofisini, ila haikuwa bahati mbaya. Kiran Tierney alishuka nae kiume.

Labda ni mimi tu nimemuona ukuta wa Liverpool ukicheza juu kuliko kawaida. Labda ni mimi tu nimevutiwa na utulivu wa Mohamed Elneny, labda ni mimi tu nimevutiwa na mizunguko ya Bukayo Saka. Labda ni mimi tu nimeiona mikono ya Emilano Martinez. Labda ni mimi nimewaza haya. Labda ni mimi tu.

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa