Gennaro Gattuso: Msimu Ujao ni Mgumu

Kocha wa Napoli, Gennaro Gattuso anafikiria kuwa msimu ujao wa Serie A 2020-21 utakuwa ni ‘msimu mgumu’ lakini anaamini kuwa tayari kikosi ‘kimejiandaa kuwania ubingwa’.

Orodha kamili ya mechi za Serie A 2020-21 inapatikana HAPA

Partenopei wataanza na safari kuelekea Parma kwenye Wiki ya 1 ya Serie A, na mchezo wa kwanza wa nyumbani umepangwa dhidi ya Genoa raundi inayofuata.

“Tutakuwa tayari na kuanza kwa michuano, Utakuwa msimu mgumu kwa sababu Napoli atalazimika kucheza mechi nyingi kubwa mfululizo.” Gennaro Gattuso aliiambia tovuti rasmi ya kilabu.

Vijana wa Gattuso wanakabiliana na Juventus katika raundi ya tatu ya mechi, kabla ya kuwakaribisha Atalanta huko San Paolo kwenye Wiki ya 4 ya Serie A.

Katika Wiki ya 8, Napoli watakutana na Milan nyumbani, kabla ya kusafiri kwenda mji mkuu kuvaana na Roma raundi inayofuata.

Mwendo ni huo huo kwenye Wiki ya 12, wakati ‘The Azzurri’ wanapokutana na Inter huko Milan na kuwatafuta Lazio katika michezo mfululizo.

Kocha huyu anaamini kuwa vijana wake wanapaswa kujiandaa vyema, na hana shaka kuwa watalizingatia hilo.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa