Arteta Kuwa Meneja Arsenal

Kocha wa Arsenal, Mikel Arteta, amepandichwa cheo klabuni hapo kutoka kocha mkuu wa kikosi cha kwanza hadi meneja.

Mtendaji mkuu wa Arsenal,  Vinai Venkatesham, amesema uamuzi huo umetokana na mafanikio ya kocha huyo kijana tangu arithi mikoba ya raia mwenzake wa Hispania, Unai Emery, Disemba 2019.

Arteta alitambulishwa kama kocha mkuu, nafasi ambayo ilianza kutumika klabuni hapo baada ya kuondoka kwa ‘Mzee Kigogo’ Profesa Arsene Wenger mwaka 2018.

TOFAUTI YA MENEJA NA KOCHA MKUU

Kwa Uingereza, meneja huwa na mamlaka kamili juu ya wafanyakazi wenzake wote walio chini yake. Pia ndiyo mwenye kauli ya mwisho juu ya usajili na mikataba ya wachezaji.

Kocha mkuu kazi yake ni kufundisha tu na kupanga wachezaji siku ya mechi, mambo ya usajili yanakuwa chini mkurugenzi wa michezo, wa mpira au wa ufundi, kulingana na utamaduni wa klabu husika, wakati mwingine huwa chini ya mabosi wenyewe.

ARTETA

Kwa nafasi hii, Arteta atafanya kazi kwa ukaribu na mkurugenzi wa ufundi, Edu, wote wachezaji wa zamani wa klabu hiyo, japo hawakukutana.

Hata hivyo, majukumu yake ya kufundisha yanabaki pale pale, ni kama tu ameongezewa majukumu na mamlaka. Kwa sasa Arteta ana mamlaka sawa na aliyokuwa nayo Arsene Wenger kwa miaka 22 klabuni hapo.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.