Klopp Huwezi Tamba Zaidi ya Miaka Minne

Bella Gutaman, gwiji fulani wa Benefica aliwahi kusema “mfumo au falsafa haiwezi kutamba kwa zaidi ya miaka minne.” Gutaman alisema hivo kwasababu anaamini mfumo wako unapofanya vizuri, timu pinzani zinaumiza kichwa kukusoma na suala la muda tu kabla hawajapata mbinu za kukuvuruga.

Liverpool chini Jurgen Klopp, imeishi kwa kutegemea ubora wa wachezaji watano kuwapa magoli. Mabeki wawili wa pembeni na washambuliaji watatu. Wanategemea zaidi kupita pembeni na kutengeneza nafasi kutokea pembeni. Kazi kubwa ya viungo wa Klopp ni kukaba mpira na kuuepekela pembeni, huko ndipo mabao yanapopikwa. Usishangae ukiambiwa ‘full backs’ wa Liverpool wanaongoza kwa assist ndani ya Liverpool.

Kwa falsafa hii, Liverpool wamebeba taji la ligi(EPL) na Ulaya(UEFA). Kama uliwatazama Liverpool walipocheza na Leeds mchezo wa ufunguzi, nadhani uliona namna vijana wa Marcelo Biesla walivopambana kuwazuia mabeki wa pembeni wa Liverpool. Na hii inakuwa mara ya kwanza Liverpool kufunga mabao 3+ bila beki wao yoyote wa pembeni kutoa assist kutoka kwenye mchezo wa wazi (open play).

Hii inamaanisha nini? Huenda ukawa mwisho wa ujanja wa Klopp kushinda kirahisi kutokea pembeni. Ameshatesa sana na hii falsafa, sasa ni muda wa kubadilika na kujaribu kitu kingine kipya.

Hiki kitu kipya anakuja nacho Thiago Alcantara, kwa muda mrefu Liverpool haijawa na viungo wabunifu na wamiliki mpira. Labda ndio sababu iliyomfanya Klopp ategemee zaidi upishi kutokea pembeni kuliko katikati. Uchezaji wa Thiago unakuruhusu kupita katikati ya uwanja. Ni aina ya mtu anayejua kusambaza mpira. Japo hatakupa sana pasi za mwisho, ila atakufikishia mpira hadi mpigaji wa pasi ya mwisho. Nadhani ni muda Klopp anaenda kubadilika na kujaribu kucheza katikati ya uwanja zaidi ya pembeni.

Thiago ataitoa timu nyuma ataifikisha mbele, wale washambuliaji watatu wa mbele watakuwa na kazi mbili. Kwanza kutengenezeana nafasi na kufunga. Hii itampa ahueni Firmino, aliyelazimishwa kushuka chini ili aisaidie timu kucheza. Ndiyo maana alikaukiwa mabao msimu uliopita. Kwasababu Thiago atakuwa mchezeshaji, yeye atabaki juu na jukumu lake mama la kufunga na kupika mabao.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.